गायक रामकृष्ण ढकालको नयाँ गीत ‘चरित्र’ सार्वजनिक

आधुनिक गीतका चर्चित तथा स्वरका धनि गायक रामकृष्ण ढकालको नयाँ गीत सार्वजनिक भएको छ । नेपाली सुगम संगीतका सिद्धहस्त गायक रामकृष्ण ढकाल नयाँ गीत लिएर आफ्ना स्रोता तथा र्दशक माझ आएका छन् ।

“म फूल टीप्न हिंडेको थिएँ, काँडा टिपी फर्की आएँ” बोलको गीत आज सार्वजनिक भएको गायक ढकालका म्यानेजर इन्दीप कोइरालाले  जानकारी दिए । यो गीत मनिष वशिष्ठले लेखेका हुन् भने पुरुषोत्तम सुबेदीले संगीत तथा फणीन्द्र राईको संगीत सम्योजन रहेको छ । माया प्रेमको नियमित विषयलाई भन्दा हाम्रो समाजमा आहिले भएका समुसमाहिक कुरालाई लेखक वशिष्ठले नयाँ पन दिएको भएरनै हामीले यस गीतको नाम ‘चरित्र’ राखेको म्यानेजर कोइरालाले बताए ।

‘हामीले पछील्लो समय लेखक मनिष वशिष्ठको शब्दमा रहेका गीतहरु सार्वजनिक गरिसकेका छौ जस्तै ‘बाटो गल्लीको देवता म छैन मेरो सुनको गजूर’, ‘यस्तो को हौ तिमी’ लगाएतका गीतहरु दर्शक स्व्रताहरुले निकै रुचाउनु भएको छ,’ उनले भने, ‘फरक शैलीका लेखक वशिष्ठको शब्द र गायक रामकृष्ण ढकालको स्वरमा रहेको यो गीतमा पनि दर्शक स्व्रताहरुले अलिकति फरकपन पाउनुहुनेछ ।’

गीतको म्युजिक भिडियोमा गायक रामकृष्ण ढकाल, मोनालिशा शर्मा, बिकास लामिछानेले अभिनय गरेका छन् । म्युजिक भिडियोको निर्देशन शान थापाले गरेका हुन् ।