आज:  २०७९ आश्विन २०, बिहिबार | Thu, 06, Oct, 2022
FLASH NEWS
Advertisement
SKIP THIS

सवारी चेकजाँचबाट तिन महिनामा करिब १४ लाख भन्दा बढि राजश्व संकलन

AuthorAP Khabar२०७५ आश्विन १३, शनिबार (४ साल अघि) ३४६ पाठक संख्या

बारा, १२ असोज  : प्रदेश ट्राफिक कार्यालय प्रदेश नम्बर २ पथलैयाले चालु आर्थिक वर्ष ०७/७६ को तिन महिना भित्र १४ लाख २३ हजार ७ सय ६६ राजस्व संकलन गरेको छ । सवारी चेक जाँचमा कडाई गरेसंगै ओभरलोड भएका सवारी साधनहरुबाट तिन महिना भित्रैमा १४ लाख २३ हजार ७ सय ६६ राजस्व संकलन गरेको प्रदेश ट्राफिक कार्यालय प्रदेश नम्बर २ पथलैयाले जनाएको छ ।
प्रदेश ट्राफिक कार्यालय प्रदेश नम्बर २ पथलैया र मातहतका ट्राफिक प्रहरीहरुले विशेष सवारी चेकजाँच अभियान नै संचालन गरेर कारवाहि गर्न थालेको प्रदेश ट्राफिक कार्यालय प्रदेश नम्बर २ पथलैयाका प्रमुख ट्राफिक प्रहरी उपरिक्षक किरण बज्रचार्यले जानकारी दिनुभएको छ ।
उहाँले पछिलो आर्थिक वर्ष ०७४÷७५ को एक वर्षमा तिन सय ३८ ओटा सवारी साधनबाट ३५ लाख ३८ हजार ४ सय ५१ राजश्व संकलन भएको तर यस आर्थिक वर्षको ३ महिना भित्रै २ सय ४२ ओटा सवारी साधनलाई गरीएको कारवाहिबाट १४ लाख २३ हजार ७ सय ६६ राजस्व संकलन भएको उहाँले जानकारी दिनुभयो ।

पछिलो समय सवारी दुर्घटना बढ्नु र सडकको अवस्थापनि जिर्ण हुँदै जानुमा सवारी साधनहरुले आफ्नो क्षमता भन्दा बढि ओभरलोड बोक्नु नै मुल कारणको रुपमा देखापरेको प्रदेश ट्राफिक कार्यालय प्रदेश नम्बर २ पथलैयाका प्रमुख प्रहरी उपरिक्षक बज्रचार्यको भनाई छ ।

उहाँले भन्सारबाट छुट्ने भारतीय नम्बरका वा नेपाली नम्बरका मालवाहक सावारी साधनको भारबाहन निर्देशिका २०७४ विपरित क्षमता भन्दा दोब्बर ९० देखि सय टन सम्म हुने गरेको बताउनुभएको छ । भन्सारबाट छुट्ने मालबाहक सवारी साधनलाई त्यहि नै क्षमता मिलान गरेर पठाए आफुहरुलाई सवारीहरुलाई सडकमा रोकेर कारवाहि गर्नुपर्ने अवस्था नआउने बताउनुभयो ।
सवारी साधनहरुले क्षमता भन्दा अधिक मालसमान लोड गर्दा सडक विग्रनुका सााथै सवारी साधनको समयमा ब्रेक नलाग्ने, टायर पडकने जस्ता खतरा हुने संभावना बढि हुने गरेको पाईको छ । यता हाल प्रहरीसंग जनशक्तिका साथै अन्य विभिन्न समस्याका कारण निर्देशिकामा भए बमोजिम जरीवानाका साथै भार मिला गर्न नसकेको समेत प्रदेश ट्राफिक कार्यालय प्रदेश नम्बर २ पथलैयाले जनाएको छ ।

प्रतिक्रिया दिनुहोस