AP Khabar२०७५ आश्विन २३, मंगलबार (४ साल अघि)
३९७ पाठक संख्या सिमरा, असोज २३ : प्रदेश नम्बर २ को बारामा हुन लागेको दोश्रो खाना तथा दशै महोत्सव २०७५ को तयारी तिब्र रुपमा भईरहेको आयोजकले जनाएको छ । आयोजक होटल तथा पर्यटन व्यवसायी संघ बाराका अनुसार जीतपुरसिमरा उप–महानगरपालिकामा हुन लागेको महोत्सवको तयारी तिब्र रुपमा भईरहेको छ ।
महोत्सवलाई सभ्य र भब्य रुपमा सम्पन्न गर्न संघले बिभिन्न उप–समितिमार्फत काम गरिरहेको छ । ‘हामीले सबै पक्षसंग समन्वय गरिरहेका छौ, बिभिन्न उप–समितिहरुमार्फत महोत्सवको तयारी अहिले धमाधम भईरहेको छ’ महोत्सव मुल आयोजक समारोह समितिका संयोजक मोहन शर्मा लामिछानेले भन्नुभयो ।
महोत्सवमा खानाका बिभिन्न परिकारका साथै राष्ट्रिय स्तरका कलाकारहरुको प्रस्तुती रहने संयोजक लामिछानेले जानकारी दिनुभयो । महोत्सवमा नेपालका चर्चित गायक राजनराज सिवकोटी, रामजि खाड, दुर्गा खरेल, कमल के. क्षेत्री, सम्झना लामिछाने मगर, दिनेश काफ्ले, विकास पाण्डे, प्रदिप त्रिपाठी, सुनिल पण्डित, देवेन्द्र कार्की, संतोष देउजा लगायतले आफ्नो प्रस्तुती देखाउनेछन् ।
साथै पनाम ब्याण्डसहित स्थानीय कलाकारहरुले समेत आफ्नो प्रस्तुती देखाउने अध्यक्ष शर्माले बताउनुभयो । सडक मै खाऔ, सडक मै रमाऔ भन्ने मुल नाराका साथ जीतपुरसिमरा उप–महानगरपालिकाको सिमरा बजारमा यही असोज २७, २८ र २९ गते दोश्रो बारा खाना तथा दशै महोत्सव २०७५ हुदैछ ।
प्रतिक्रिया दिनुहोस