आज:  २०७९ श्रावण २३, सोमबार | Mon, 08, Aug, 2022
FLASH NEWS
Advertisement
SKIP THIS

ह्युम पाईपले थिचेर गम्भीर घाईते चार मध्य एकको मृत्यु

AuthorAP Khabar२०७५ आश्विन २३, मंगलबार (३ साल अघि) २९३ पाठक संख्या

तिवारी यादब
वीरगन्ज, असोज २२ : जिल्ला प्रहरी कार्यालय अगाडिको रातो बंगला नजिक थुपारिएको ह्युम पाईपले थिचेर गम्भीर घाईते भएका चारजना मध्य एकको मृत्यु भएको छ । वीरगन्ज महानगरपालिकामा निर्माणधिन मझौला सहर एकीकृत सहरी वातावरणीय सुधार आयोजनाको ढल निर्माणका लागि प्रयोग हुने ह्युम पाईपमा खेल्ने क्रममा घाईते भएका चारजना बालबालिका मध्य रोहित चौधरीको मृत्यु भएको हो ।

कालिका कन्स्ट्रक्सनले थुपारेको ह्युम पाईपमा खेल्दा पर्साको जीराभवानी गाउँपालिका वडा नम्बर १ को गोविन्द चौधरीको अन्दाजी १० बर्षकी अनुष्का चौधरी र ४ बर्षकी छोरी अंकिता चौधरी वीरगन्ज महानगरपालिका वडा नम्बर ९ रानीघाट बस्ने राकेश यादवको अन्दाजी ९ बर्षकी आयुषा यादव र सोही स्थान बस्ने बालमुकुन्द राउतको छोरा अन्दाजी ८ बर्षका रोहित चौधरी घाईते भएका थिए । अनुष्काको दाया खुट्टा भाँचिएको र गम्भीर चोट पनि लागेको छ ।

अंकिताको टाउकोमा गम्भीर चोट र खुट्टा तथा ढाडमा पनि चोट लागेको छ । त्यस्तै आयुषाको बायाँ खुट्टा मुखमा र भित्री शरिरमा गहिरो चोट लागेको छ ।

रोहितको दायाँ हातमा र भित्री शरिरमा गहिरो चोट लागेको छ । चौधरी दिदीबहिनीको वीरगन्ज हेल्थ केयर अस्पतालमा र आयुषा यादव र रोहित चौधरीको नारायणी उपक्षेत्रीय अस्पतालमा उपचारका क्रममा रोहितको मृत्यु भएको प्रहरीले जनाएको छ । घाईते मध्य दुईजनालाई थप उपचारको लागि काठमाडौं लगिएको जिल्ला प्रहरी कार्यालय पर्साका प्रहरी नायव उपरीक्षक सत्यनारायण थापाले जानकारी दिए ।

एशियाली विकास बैंक, नगर विकास कोष र वीरगन्ज महानगरपालिकाको संयुक्त लगानीमा निर्माण भईरहेको मझौला सहर एकीकृत सहरी वातावरणीय सुधार आयोजनाले निर्माण गर्ने ढल निकासको लागि प्रयोग गर्न ह्युम पाईप राखिएको थियो । आयोजना निर्माण गर्ने जिम्म कालिका र सीटीसी जेभीले लिएको छ । यसअघि पनि आयोजना निर्माण स्थल आदर्शनगरमा एकजनाको ज्यान गएको थियो ।

प्रतिक्रिया दिनुहोस