AP Khabar२०७५ आश्विन २५, बिहिबार (४ साल अघि)
३९० पाठक संख्या तिवारी यादव
वीरगञ्ज, असोज २५ : अख्तियार दुरुपयोग अनुसंन्धान आयोगको टोलीले शिक्षा विकास तथा समन्वय ईकाई पर्साका प्रमुख लालबाबु साहलाई ४० हजार घुस सहित पक्राउ परेका छन् । अख्तियारको क्षेत्रीय कार्यालय हेटौडाबाट आएको टोलीले सेवाग्राहीसंग आफ्नै क्वाटर चिनीमिल आवास क्षेत्र स्थित निवासमा घुस लिईरहेको अवस्थामा रंगेहात पक्राउ गरेको हो ।
जगरनाथपुर गाउपालिका वडा नं.३ मा रहेको नेपाल राष्ट्रिय आधारभुत विधालयको भवन निमार्णको लागि खातामा पठाएको रकम फुकवा गर्न कमिसन बापतको उक्त रकम लिईरहेको अवस्थामा पक्राउ परेका हुन । पक्राउ परेका साहलाई आवश्यक कारवाहीका लागि हेटौडा लैजाने तयारी भईरहेको जनाईएको छ ।
शिक्षा अधिकारी साहले पर्साका सामुदायिक विद्यालयको भवन निमार्णको नाममा खातामा रकम पठाएर कामै नगरि कमिसन माग गर्ने गरेको विधालयका एक जना शिक्षकले बताउनुभयो ।
प्रतिक्रिया दिनुहोस