आज:  २०७९ मंसिर २१, बुधबार | Wed, 07, Dec, 2022
FLASH NEWS

वलात्कारको गलत रिपोर्ट दिने दुइ चिकित्सकलाई जनकपुर अंचल अस्प्तालद्वारा कारवाही

AuthorAP Khabar२०७५ आश्विन २५, बिहिबार (४ साल अघि) ३८६ पाठक संख्या

AP संवादाता
जनकपुरधाम, असोज २५ : जनकपुर अंचल अस्प्तालले बलात्कारको गलत रिपोर्ट दिने दुई चिकित्सकलाई कारवाही गरेको छ । धनुषाकी १२ वर्षकी बलात्कृत बालिकाको शारीरिक जाँचका क्रममा बलात्कारको गलत प्रतिवेदन दिने दुई जना चिकित्सकलाई कारवाही गरीएको हो ।
भदौ ८ गते धनुषाको जनकनन्दिनी गाउँपालिका २ कि बलात्कृत बालिकाको नमुना परीक्षणपछि बलात्कार नभएको प्रतिवेदन दिने जनकपुर अञ्चल अस्पतालका चिकित्सक डा. विजयकुमार सिंह र डा. रम्भा गोइत कारबाहीमा परेका हुन् ।
नेपाल मेडिकल काउन्सिलले उनीहरुले न्युनतम चिकित्सकिय आचरण तथा व्यवहार विपरीत मेडिकल रिपोर्ट दिएको ठहर गर्दै उनीहरुको व्यवसायिक प्रमाणपत्र निलम्बन गर्ने र चिकित्सकीय अभ्यासबाट वञ्चित गराउने निर्णय गरेको हो ।
जनकपुर र सिरहामा बालिकाको नमुना परीक्षणको फरक फरक प्रतिवेदन आएपछि मेडिकल काउन्सिलले डा. कालुसिंह खत्रीको संयोजकत्वमा चार सदस्यीय छानबिन समिति बनाएको थियो ।
दुई डाक्टरले भदौ ९ गते पीडित बालिकाको नमुना परीक्षण गर्दा बलात्कार नभएको प्रतिवेदन दिएका थिए । त्यसपछि सोही बालिकाको भदौ २५ गते सिरहा अस्पतालमा डा. राकेशकुमार सिंहले नमुना परीक्षण गर्दा बलात्कार भएको प्रतिवेदन आएको थियो ।
यस विषयमा अध्ययन गर्न नेपाल मेडिकल काउन्सिलले गठन गरेको छानबिन समितिले दुई डाक्टरलाई चिकित्सकीय अभ्यासबाट वञ्चित गराउने निर्णय गरेको हो ।

प्रतिक्रिया दिनुहोस