AP Khabar२०७५ कार्तिक ११, आईतबार (५ साल अघि)
८१७ पाठक संख्या AP डेस्क
जीतपुर, कार्तिक ११ : काम नसकिदै मागेको भुक्तानीको फाईल प्राविधीकले अगाडी नबढाउदा जीतपुरसिमरा उपमहानगरपालिका ५ का वडा अध्यक्ष मोहित चौधरीले क्रमचारीसंग जबरजसस्ती गरेका छन् ।
आईतवार वडा नम्बर ५ वडा अध्यक्ष चौधरीले आफ्नो अनुकुल फाईल अगाडी नबढाउको भन्दै नगरपालिकाका क्रमचारीसंग अभद्र ब्यवहार गरेका श्रोतको दाबी छ । वडा अध्यक्ष चौधरी यस भन्दा पहिलेपनि विभिन्न काममा पटक पटक विवादमा पर्दै आएका हुन् ।
आर्थिक वर्ष ०७४/७५ मा वडा नम्बर ५ मा ६ ओटा योजना निर्माण गर्न नगरपालिकाले करिब ५३ लाख बजेट दिने निर्णय गरेको थियो । तर विशेष कारणवस वडा नम्बर ५ का वडा अध्यक्ष चौधरीले असार मसान्त भित्र सो काम पुर्ण रुपले सम्मपन्न गर्न नसकेको र त्यही समय देखि अधुरो कामको पुरै मुल्याङ्कन बराबरको रकम भुक्तानि गर्न नगरपालिकाका क्रमचारीलाई दबाब दिदै आएका छन् ।
आर्थिक वर्ष ०७४/७५ मा वडा नम्बर ५ ले नासीको नाला निर्माण गर्न १० लाख, बिसौलियामा सामुदायीक भवन निर्माण गर्न १० लाख, बकुलिया क्याम्पसमा शौचालय निर्माण गर्न ८ लाख, समसानघाट निर्माण गर्न ५ लाख, भवानिपुर टोलमा सामुदायीक भवन निर्माण गर्न ५ लाख र नासीको नाला निर्माण गर्न १० लाख बराबरको कामको शुरुवात गरेको हो ।
समयमा काम सम्पन्न नहुनु र भुक्तानि माग गरेको फाईलमा योजना बराबरको कम नभएको तर पुर्ण भुक्तानि माग गरीएकोले सो योजनाहरुको भुक्तानि गर्न नसकेको नगरपालिका श्रोतले जनाएको छ ।
हाल वडा नम्बर ५ का वडा अध्यक्ष चौधरीको वडामा आर्थिक वर्ष ०७४/७५ मा ६ ओटा वडाका लागि दिइएको योजना मध्ये १० लाखमा निर्माण गर्न भनिएको नासीको नालामा ९ लाख ४८ हजार, १० लाख मै निर्माण गर्ने भनिएको बिसौलियामा सामुदायीक भवनमा ५ लाख ८० हजार, ८ लाखमा निर्माण गर्ने भनिएको बकुलिया क्याम्पसको शौचालय निर्माणमा ७ लाख ५७ हजार, ५ लाखमा निर्माण गर्ने भनिएको समसानघाट निर्माणमा ३ लाख ६० हजार, ५ लाखमै निर्माण गर्ने भनिएको भवानिपुर टोलको सामुदायीक भवनमा ३ लाख ४२ हजार र १० लाखमा निर्माण गर्न भनिएको नासीको नाला निर्माणमा ९ लाख ४८ हजारको मात्र काम सम्पन्न भएको प्राविधिकको रिपोर्टले देखाएको छ ।
यस योजनामा ३ ओटा योजना उपभोक्ता समिति र ३ ओटा योजना कोटेशन अर्थात ठेक्का लागएर अगाडी बढाईएको हो । करिब ५३ लाखको योजना पाएको यस वडाले पुरै रकम बराबरको कम नगरेको तर पुरै भुक्तानि गर्न जीतपुरसिमरा उपमहानगरपालिकामा फाईल पेश गरेको छ ।
यता वडा नम्बर ५ का केहि स्थानियहरुले लागत अनुसारको काम नभएको समेत आरोप लगाएका छन् । उनिहरुले वडा अध्यक्ष चौधरीले उपभोक्ता समितीको नाममा सबैकाम ठेकेदारसंग गराएको समेत आरोप लगाएका छन् ।
यस वडामा मनोकामना कन्ट्रक्सन प्रा.लि., नवनिर्माण कन्ट्रक्सन प्रा.लि. र सापकोटा हाईड्रो एण्ड ईन्जिनियरिङ्गले काम गर्दै आएको छ ।
जीतपुरसिमराका क्रमचारीकोले किन गरे काम ठप्प ?
वडा अध्यक्ष चौधरीले जीतपुरसिमरा उपमहानगरपालिकाका प्राविधीकसंग दुरब्यवहार गरेसंगै यस पालिकाका सबै क्रमचारीले तत्कालै काम बन्द गरेका थिए । वडा अध्यक्षहरुले आफुहरुलाई आफ्नो अनुकुल काम गराउन खोजेको बताउदै समस्याको समाधान नभएसंगै काम नगर्ने भन्दै क्रमचारीहरुले करिब २ घण्टा काम बन्द गरेका हुन् ।
काम बन्द भएपछि पालिकामा बसेको बैठकले हाल वडा नम्बर ५ मा भएको योजनाको काम अनुसार भुक्तानि गर्ने मैखिक सहमति भएको जतिपुरसिमरा उपमहानगरपालिकाका प्रमुख प्रशासकीय अधिकृत शिवराज सेढाईले जानकारी दिनुभएको छ । उहाँले जतिको काम भएको छ त्यती बराबरको भुक्तानि दिने र बाकीँ रकमलाई छलफल गरेर अन्य विकास निर्माणमा लगाउने बारे सोचन सक्नेगरी कुरा मिलेको बताउनुभयो ।
यता वडा नम्बर ५ का वडा अध्यक्ष चौधरीले कार्यादेश अनुसार काम सम्पन्न भएको महिनौ बितिसक्दा पनि भुक्तानी नगरेको भन्दै आफुले प्राविधीकलाई उनकै कोठामा थुनेको बताउनुभएको छ ।
प्रतिक्रिया दिनुहोस