आज:  २०७९ श्रावण ३०, सोमबार | Mon, 15, Aug, 2022
FLASH NEWS
Advertisement
SKIP THIS

कबाडी करको खारेजीको माग गर्दै जीतपुरसिमरा नगरउद्योग वाणिज्य संघद्धारा ज्ञापन पत्र

AuthorAP Khabar२०७५ कार्तिक १४, बुधबार (३ साल अघि) ४२२ पाठक संख्या

AP डेस्क
जीतपुर, कार्तिक १४ : जीतपुरसिमरा नगर उद्योग वाणिज्य संघ बाराले जीतपुरसिमरा उपमहानगरपालिकालाई कबाडी कर उठाउने पक्रियालाई खारेज गर्न माग गर्दै ज्ञापन पत्र बुझाएको छ । बुधवार उपमहानगरपालिकाको कार्यालयमा पुगेका उद्योगहरुको समुहले जीतपुरसिमरा नगर उद्योग वाणिज्य संघ बाराका अध्यक्ष संजय साहको नेतृत्वमा सो ज्ञापन पत्र बुझाएका हुन् ।
नगरपालिकाले कर उठाउने बाहानामा उद्योगीहरु माथी विभिन्न करहरु थपदै गएको र त्यही अनुसार हाल पालिकाले मनोमानि तरीकाले कबाडी कर उठाउदै आएको ज्ञापन पत्रमा उल्लेख गरीएको छ ।
ज्ञापन पत्र बुझाउने आएका विभिन्न उद्योगीहरुले स्थानिय तहले कबाडीको परिभाषा स्पष्ट नपारेकोले आफुहरु मारमा परेको गुनासो गरेका थिए । उनिहरुले कामनै नलाग्ने बस्तुमा भ्याटका साथै स्थानिय तहलाई कबाडी कर बुझाउदा आफुहरु दोहोरो मारमा परेको दुखेसो पोखेका हुन् ।
हाल नगरपालिकाले लगाएको कबाडी करको परिभाषा नमिलेको कारण ठेकेदारले आफुहरुसंग १ नम्बर माल बाहेक हरेकमा कबाडी कर उठाउदै आएको बताएका थिए ।
यता जीतपुरसिमरा उपमहानगरपालिकाका प्रमुख कृष्ण पौडेलले कबाडी कर लिने ब्यवस्था स्थानिय सरकार संचालन ऐनमा उल्लेख भए बमोजिम यो कर लिएको जानकारी दिए । उहाँले स्थानिय सरकार संचालन ऐनको दफा ६१ बमोजीम यो कर लिने गरेको भएपनि स्थानिय तहले ब्यापारीलाई कुनै मार नपर्ने गरी पुनः छलफल गरेर बिचार गर्न तैयार रहेको बताए ।
कार्यक्रममा जीतपुरसिमरा उपमहानगरपालिकाका उपप्रमुख सरसवती चौधरी, पालिकाका प्रमुख प्रशासकिय अधिकृत शिवराज सेढाई,वडा नम्बर ७ का वडा अध्यक्ष रामबाबु गुप्ता लगाएत विभिन्न उद्योगका प्रतिनिधीहरुको सहभागिता रहेको थियो । कार्यक्रममा उद्योगवाणिज्य संघका शिवजी साहले सहजीकरण गरेका थिए ।

प्रतिक्रिया दिनुहोस