AP Khabar२०७५ मंसिर २९, शनिबार (४ साल अघि)
४२२ पाठक संख्या AP संवादाता
रौतहट, मंसिर २९ : रौतहटको सबैभन्दा पुरानो नपा गौर नगरपालिका वड़ा नम्बर ४ स्थितमा अवस्थित रहेको सोवरनामाईकि मन्दिर परिसरमा आज विष्णु मन्दिर शिलान्यास कार्यक्रममा सम्पन्न भएका छन् ।
सोवरनामाई मन्दिर परिसरमा विष्णु मन्दिर शिलान्यास
कार्यक्रमका प्रमुख अतिथि रहनुभएका रुपमा प्रतिनिधि सभा सदस्य एवं नेकपाका प्रदेश २ का अध्यक्ष प्रभु साहले सदरमुकाम गौरको राजनितिक परिवर्तनमा उल्लेखनीय योगदान रहेको बताए ।
पूर्व मन्त्री साहले गौर भन्दा पछि गठन भएको चन्द्रपुर नगरपालिका विकासमा फड्को मारी रहेको छन भने गौर विकासमा पछि पर्दे गएका टिपण्णी गरे । उनले भने पुरानो सोच त्यागेर नया सोचका साथ अगाडी नबढे गौरको आधुनिक विकास सम्भव नरहेको दावी गरे ।
गौरको दुवै तरफ बागमती र लालबकैया नदी रहेकोले यसको बांध मजवूत दीर्घकालीन रुपमा नभए सम्म भौतिक संरचना र व्यवसायको प्रवर्धन हुन नसक्ने जनाए । अधिकारको लड़ाईको साथ साथै विकास र समृद्धिको लड़ाई लाडनू पर्ने बेला आएको बताउँदै समाजमा सदाचारी ,सुसाशन कायम नगरे सम्म विकास सम्भव नरहेको ठोकूवा गरे ।
भारतको बैरगनिया देखि लिएर हाइवे सम्म सड़कको विस्तार हुनु पर्ने जोड़ दिए । बाईपासको ट्रायक नगरपालिकाले निकाले सड़क निर्माण गराउने घोषणा गर्दै सवैको सल्लाह अनुसार विकासको वातावरण त्यार गर्न मेयरलाइ आग्रह गरे ।
उनले हरेक व्यक्तिको इच्छा जागृत हुनु पर्ने जोड़ दिए सड़क विस्तार ,औधोगिक क्षेत्र , पर्यटकीय क्षेत्रको निर्माण र सिचाईको सुविधा भएमा रौतहटको पूर्ण विकास हुन सकने धरना राख्दै पूर्व मन्त्री साहले विष्णु भगवानको मन्दिर निर्माणमा भए सम्मको सहयोग गर्ने प्रतिवद्धता जनाएका छन ।
गौर अस्पतालको अवस्था बारे जिकिर गर्दै सांसद साहले जिल्ला अस्पतालको प्रति सवै राजनितिक दल , स्थानीयबासी , नागरिक समाजका अगुवा , वुद्धिजीवी ,शिक्षक ,पेशाकर्मी ,पत्रकार अग्रसर हुनु पर्ने बताए ।
विष्णु भगवानको मन्दिर शिलान्यास भएपछि स्थनिय गौर नगरपालिका वडा नं ४ का वडा बासिहरू हर्सो हुलासका साथ खुसि भएका देखिएका छन् ।सो विष्णु मन्दिर शिलान्यास कार्यक्रमको आयोजक रौतहट मै चर्चित पत्रकार संजय सहनीले गर्नु भएको थियो ।
प्रतिक्रिया दिनुहोस