४८९ पाठक संख्या बर्षात पिडित किसानका लागी सरकारले कार्यदल बनाएको छ । लगातार ४ दिनसम्म परेको बेसौसमी वर्षातका कारण धानबालीमा पुगेको क्षतिको अध्ययन गरी प्रतिवदेन पेश गर्न सरकारले गृह मन्त्रालयका सचिव टेकनारायण पाण्डेको संयोजकत्वमा कार्यदल बनाएको हो ।
मन्त्रिपरिषद्को सोमबार बसेको बैठकले यस्तो निर्णय गरेको पत्रकार सम्मेलन मार्फत जानकारी गराईएको हो । उक्त कार्यदलमा कृषि तथा पशुपन्छी विकास मन्त्रालय, अर्थ मन्त्रालय, उद्योग,वाणिज्य तथा आपूर्ति मन्त्रालय र राष्ट्रिय योजना आयोगका सचिव सदस्य रहनेछन् ।
कार्यदललाई धानबालीमा पु¥याएको क्षति अध्ययन गरी विवरण बुझाउन तीन दिनको समय दिइएको सरकारका प्रवक्ता ज्ञानेन्द्रबहादुर कार्कीले जानकारी दिनुभयो । ३१ असोजपछि निरन्तर परेको वर्षाले धानबालीमा आठ अर्ब बढीको क्षति पुगेको कृषि मन्त्रालयले प्रारम्भिक आकडा निकालेको छ ।
प्रतिक्रिया दिनुहोस