अखिलेश यादव २०७९ चैत्र १८, शनिबार (२ महिना अघि)
२६४ पाठक संख्या बारा । कलैयास्थित जिल्ला समन्वय समितिको कार्यालयमा आज एक कार्यक्रमका बिच बारा निर्वाचन क्षेत्र नम्बर- २ मा वैशाख १० गते हुने उप–निर्वाचनको लागि मुख्य निर्वाचन अधिकृतको कार्यालय स्थापना गरिएको छ ।
बैशाख १० गते हुन् लागेको उपनिर्वाचनमा जिल्ला न्यायाधीश मुकेश उपाध्यायलाई मुख्य निर्वाचन अधिकृतको जिम्मेवारीमा खटाइएको छ ।मङ्सिर ४ गते भएको निर्वाचनलाई नै आधार मानेर निर्वाचन कार्यालय बाराले यस पटक पनि ८२ मतदान स्थल र १३७ मतदान केन्द्र निर्धारण गरिएको जिल्ला निर्वाचन कार्यालय बाराका प्रमुख सरोज कुमार चौधरीले जनाएका छन् ।
मुख्य निर्वाचन अधिकृतको कार्यालय उद्घाटनमा बाराका प्रमुख जिल्ला अधिकारी नवराज सापकोटा ,जिल्ला समन्वय समितिका सभापति नरेन्द्र साह,जिल्ला प्रहरी कार्यालय बाराका प्रमुख होविन्द्र बोगटी , सशस्त्र प्रहरी बाराका प्रमुख टोप बहादुर डाँगी, राष्ट्रिय अनुसन्धानका उप–अनुसन्धान निर्देशक अभिनय कुमार सिंह लगायत राजनीतिक दलका प्रतिनिधिहरूको सहभागिता रहेको थियो ।
प्रतिक्रिया दिनुहोस