अखिलेश यादव २०८० जेष्ठ ११, बिहिबार (१ हप्ता अघि)
२० पाठक संख्या जीतपुर– आइपिएलमा सटाबाजी गरेको आरोपमा पर्सा प्रहरीले ४ जनालाई पक्राउ गरेको छ ।आइपिएल अन्तर्गत बुधबार राति भएको मुम्बई र लखनउबीचको म्याचमा अनलाइन सटाबाजी गर्ने चार जनालाई वीरगञ्ज–१५ स्थित सञ्जय श्रीवास्तवको तीन तले घर बाट प्रहरीले पक्राउ गरेको छ ।
पक्राउ पर्नेहमा बारा कलैया उपमहानगरपालिका–४ का सरोज साह,सर्लाही रामनगर गाउँपालिका–६ का सन्तोष कुमार यादव,पर्सा वीरगन्ज महानगरपालिका–२४ का धुरेन्द्र यादव र भारत उत्तर प्रदेश गोरखपुर देवरियाका मुन्ना भन्ने धर्मनाथ प्रसाद जैसवाल रहेको पर्साको प्रहरी प्रवक्ता दिपक गिरीले बताउनु भयो ।
पक्राउ परेका ४ जनाको साथबाट सट्टाबाजीमा प्रयोग भएको मोबाइल, ल्यापटप तथा नेपाली नगद तीन लाख ९० हजार ५०० र भारतीय नगद १५ हजार ७५० रुपैयाँ, खेलको लाइभ हेर्न प्रयोग भएको एलईडी समेत बरामद गरिएको पर्साका प्रहरी प्रबक्ता डिएसपी दीपक गिरीले जानकारी दिए।
पक्राउ परेका चारै जनालाई अनलाइन सटाबाजी सबन्धी कसुरमा जिल्ला प्रशासन पर्साबाट म्याद थप गरि कारवाही प्रक्रिया अघि बढाइएको गिरीले बताए।हरेक बर्ष बारा र पर्सा बाट आइपिएलमा सटाबाजी गरेको आरोपमा प्रहरीले पक्राउ गर्ने गरेको छ ।
प्रतिक्रिया दिनुहोस