९०६ पाठक संख्या
जितपुरसिमरा उपमहानगरपालिका वडा नम्बर १ का शेखर लामा खुसी भएका छन् । लगभग २ वर्षदेखि बेपाता मोटरसाईकल ट्राफिक प्रहरीले आफ्नो जिम्मा लगाएपछि उनि खुसी भएका हुन् । ट्राफिक प्रहरी हवलदार रामप्रीत चौधरी र प्रहरी सहायक हवलदार रामु खत्रीले संयुक्त रुपमा खोजतलास गर्दा मोटरसाईकल फेला परेको थियो ।
जितपुरसिमरा उपमहागरपालिकाको सिमरा डुमरवाना सडकको रजघट्टामा चेकजाँच गर्दा त्यो मोटरसाईकल बरामत भएको ट्राफिक प्रहरी हवलदार चौधरीले जानकारी दिए ।
दुई वर्ष पहिले लामाले मोटरसाईकल हराएको भनि ईलाका प्रहरी कार्यालय सिमरामा निवेदन दिएका थिए । निवेदनको आधारमा प्रहरीले खोजतलास गर्ने क्रममा ट्राफिक प्रहरीलाई देखेर चोरी गर्ने ब्यक्ति फरार भएको र माटरसाईकल आफ्नो नियन्त्रणमा आएको ट्राफिक प्रहरी हवलदार चौधरीले जानकारी दिए ।
फेला परेको मोटरसाइकल सवारी धनि लामालाई कानुनी प्रक्रिया पूरा गरी औपचारिक रुपमा जिम्मा लगाइएको छ । यो घटनाले अन्य हराएका सवारीसाधन खोजी कार्यमा पनि थप प्रेरणा मिलेको ट्राफिक प्रहरी चौधरीले जनाएका छन् ।
हवलदार रामप्रीत चौधरीको सक्रियता, लगनशीलता र कर्तव्यनिष्ठा प्रति स्थानीयवासी तथा मोटरसाइकल धनीले प्रशंसा व्यक्त गरेका छन् ।
प्रतिक्रिया दिनुहोस