५२० पाठक संख्या
एजेन्सी- अर्मेनिया र अजरबैजानबीच सीमा क्षेत्रमा जारी हिंसा अन्त्यको प्रयासमा दोस्रो पटक शान्ति सम्झौता भएको छ।
यसअघि भएको अस्थायी शान्ति दुवै तर्फबाट उल्लंघन भएपछि मानवीय सहायताका लागि दुई देशबीच नयाँ समझदारी भएको हो ।
गत साता भएको अस्थायी शान्ति सम्झौता उल्लंघन भए पनि सोही सम्झौतामा उल्लेखित विषयलाई आधार बनाएर फेरि नयाँ सम्झौता गरिएको हो ।
यो सहमति स्थानीय समय अनुसार आइतबार मध्यरातदेखि लागु हुनेछ।
गएको सेप्टेम्बर अन्तिममा विश्वमै सीमा क्षेत्रलाई लिएर नागोर्नो–काराबाख क्षेत्रमा भीडन्त भइरहेको छ । विवादित उक्त क्षेत्र अन्तर्राष्ट्रिय रुपमा अजरबैजानको भएको उल्लेख छ। तर, त्यस क्षेत्रमा आदिबासी अर्मेनियनहरू बस्दै आएका छन् ।
सन् १९९० को दशकको सुरुमा भएको सीमा भिडन्तमा हजारौँ मानिसको ज्यान गएको थियो । सेप्टेम्बर २७ देखि भएको हिंसामा पनि ३०० भन्दा बढीको मृत्यु भइसकेको छ ।
प्रतिक्रिया दिनुहोस