२११ पाठक संख्या
भारतको गुवाहाटीमा आजदेखि सुरु भएको नेपाल ‘ए’ र आसामबीचको टी–२० सिरिजअन्तर्गत पहिलो खेलमा नेपालले बलियो लक्ष्य पाएको छ ।
टस हारेर पहिले ब्याटिङको अवसर पाएको आसामले निर्धारित २० ओभरमा ८ विकेट गुमाउँदै १९० रन जोड्यो ।
उसका लागि कप्तान सुमित घघिगाँकरले सर्वाधिक ३४ रन बनाए । यस्तै, रोहित सेनले २४ रन जोडे ।
अन्तिम ओभरतर्फ आकाश सेनगुप्ता (८ बलमा २४ रन) र अभिनव चौधरी (७ बलमा २६ रन अविजित) को विस्फोटक साझेदारीले योगफललाई बलियो बनायो । यी दुई ब्याटरले अन्तिम दुई ओभरमा ५० रन जोडेका थिए ।
नेपाल ‘ए’ का बलरले बीचका ओभरमा दबाब बनाएका थिए । आकाश चन्दले तीन तथा यादव र कमलसिंह ऐरीले दुई÷दुई विकेट हात पारे । यस्तै, आदिल आलमले एक विकेट हात पारे ।
प्रतिक्रिया दिनुहोस