AP Khabar
२०७५ कार्तिक १०, शनिबार (
५ साल अघि)
६७९ पाठक संख्या
AP डेस्क
जीतपुर, कार्तिक १० : जीतपुरसिमरा उपमहानगरपालिका १० नितन्पुर टोलमा शुक्रवार राती आगलागि हुदाँ लाखौँको धनमाल जलेर नष्ट भएको छ । शुक्रवार करिब १० बजेको सयममा आगो लागेको हो ।
नितन्पुर १० बस्ने भरत साहको घरमा आगलागि भएको हो । आगलागिमा साह बस्ने घर पुर्ण रुपमा जलेर नष्ट भएको जीतपुरसिमरा उपमहानगरपालिका वडा नम्बर १० का वडा अध्यक्ष सरोज कुमार राउतले जानकारी दिनुभएको छ । उहाँले तिन ओटा बाख्रा समेत जलेर नष्ट भएको जानकारी दिनुभयो ।
खाना पकाउने चु्ल्होबाट आगो सल्कीएर आगलागि भएको हुनसक्ने प्रहरीको अनुमान रहेको छ । आगलागिमा परेर साहको घर रेखदेख गर्न बसेका हेरालु ध्रुपत पासवानपनि घाइते भएका छन् । घरमा आगो लागेपछि पासवान चौपाया निकाल्न जाँदा जलेर घाईते भएको ईलाका प्रहरी कार्यलय जीतपुरका प्रहरी नायब निरिक्षक रामउदय राउत शर्माले जानकारी दिनुभयो ।
आगलागिलाई जीतपुरसिमरा उपमहानगरपालिकाको वरुण यन्त्र, ईलाका प्रहरी कार्यालय र स्थानियको सहयोगमा नियन्त्रणमा लिइएको थियो ।
प्रतिक्रिया दिनुहोस