सडक बति मर्मत सम्भारको अभावमा जिर्ण बन्दै, निजी खर्चमा बति जडान गरेको प्रचार गर्दै परवानिपुर प्रमुख साह

AP Khabar २०७५ कार्तिक ३०, शुक्रबार ( ५ साल अघि) १०६५ पाठक संख्या

तिवारी यादव
वीरगञ्ज, कार्तिक ३० : बाराको परवानिपुर गाउँपालिकाको ५ वटा वडामा जडान गरीएको सडक बति मर्मत सम्भारको अभावमा जिर्ण बन्दै गएको छ । गाँउपालिकाको ५ वडामा बिजुलिको पोलमा लगाइएको बति एक बर्ष नबित्दै जिर्ण भएको स्थानीयले बताएका छन ।
गाँउपालिकाको बतिलाई मर्मत नगरी वडा नम्बर ५ को बहुवरी र नवतनमा बति जडान गरीएको छ । गाँउपालिका प्रमुख हरीनारायण साहले विनाटेन्डर आसेपासे पसलबाट भेपर खरिद गरी करिब ७ लाख बजेटमा व्यापक भ्रष्टाचार गरेको वडाध्क्षहरुले आरोप लगाएका छन ।
गाँउपालिका प्रमुख साहले भेपर खरिदमा अनियमितता गर्दै तीन महीना अघि थालिएको तयारीले दीपावली र छठमा गाउँगाउँमा बत्ती बल्न नसकेको स्थानीयबासीहरुको आरोप समेत रहेको छ । गाउँपालिकाको खर्चमा किनेको भेपरमा राजपा पार्टीले आफ्नै खर्चमा टोलटोलमा भेपर लगाएको भनेर कुप्रचार गर्दै गाँउपालिका प्रमुख साह हिंडेको वडा अध्यक्षहरुको आरोप छ ।