AP Khabar
२०७५ मंसिर १३, बिहिबार (
५ साल अघि)
५६३ पाठक संख्या
काठमाडौं, मंसिर १३ :नेपाली कांग्रेसका नेता गगन थापाले सरकारले गरेको जोर बिजोर प्रणाली अवरोध गर्न आह्वान गर्नुभएको छ । राष्ट्र गाह्रो, अप्ठ्यारोमा परेको खण्डमा ज्यान दिन र भोकै बस्न तयार हुनुपर्ने बताउँदै नेता थापाले विदेशी संस्थाको कार्यक्रमलाई सरकारले यति धेरै महत्व दिएकोमा आपत्ती जनाउनु भएको छ ।
उहाँले एक ट्विट गर्दै भन्नुभएको छ–‘धर्मान्तरको नाममा स्थापित विवादित संस्थाका कार्यक्रमलाई जनतालाई सास्ती दिने सरकारको काम खेदजनक छ । सरकारले गरेको गलत कामको अवज्ञा गर्नु नागरिकको कर्तव्य हो, अवज्ञा गरौँ ।’
शुक्रबारबाट हुन लागेको ‘एसिया प्यासिफिक सम्मेलन २०१८’ नितान्त धर्म प्रचारक संस्थाले गरेको उहाँको ठहर रहेको छ । यसअघि सरकार नै कार्यक्रमको सह–आयोजक थियो तर कांग्रेसको विरोधका कारण पछि हट्नु परेको थियो । भदौ १४ र १५ गते भएको बिम्स्टेक सम्मेलनमा समेत काठमाडौं जोर बिजोर सवारी चलाइएको थियो तर विरोध कसैको भएको थिएन ।
प्रतिक्रिया दिनुहोस