घरको छतबाट खसेर एक बृद्धको मृत्यु

AP Khabar २०७५ मंसिर १८, मंगलबार ( ५ साल अघि) ६६३ पाठक संख्या

AP सम्वादाता

भक्तपुर , मंसिर १८ : भक्तपुरमा घरको छतबाट खसेर एक बृद्धको ज्यान गएको छ । ज्यान जानेमा चाँगुनारायण नगरपालिका–१ बोडे सरस्वती खेल बस्ने ७३ वर्षीय धनबहादुर श्रेष्ठ रहेका छन् ।

उनको छतबाट खसेर सोमबार मृत्यु भएको प्रहरीले जनाएको छ । छिमेकी नविना श्रेष्ठको ३ तले घरको छतमा घाम ताप्न गएका श्रेष्ठ सोहि घरको छतबाट खसेका थिए । खसेर गम्भीर घाइते भएकोमा उपचारको लागि अस्पतालतर्फ लैजाने क्रममा बाटोमै श्रेष्ठको मृत्यु भएको प्रहरीले जनाएको छ । घट्नाका सम्बन्धमा प्रहरीले थप अनुसन्धान गरिरहेको जनाइएको छ ।