AP Khabar
२०७५ मंसिर २०, बिहिबार (
६ साल अघि)
४५९ पाठक संख्या
मंसिर २० : हामी खानामा सौखिन छौं । हाम्रो जिब्रोले नयाँ नयाँ स्वाद फेर्न खोज्छ । त्यसो त हामीकहाँ थरीथरीका खानेकुरा उपलब्ध छन् । विश्वका चर्चित खाना चाख्न अन्त जानुपर्दैन, नजिकका रेष्टुरेन्ट पुगे हुन्छ ।
यद्यपी रेष्टुरेन्टको खाना त्यती स्वस्थ्यकर नहुन सक्छ । साथसाथै खर्चिलो पनि । यस्तो अवस्थामा घरमै बनाएर नयाँ परिकारको स्वाद किन नलिने ?
तपाईलाई लागिरहेको हुनसक्छ कति नेपाली खाना मात्रै खाने बेलाबखत त अरु परिकार बनाएर पनि चाखौं न । यस्तोमा भेज मन्चुरियन उत्तम विकल्प हुन सक्छ ।
हुन पनि चाइनिज खाना मन्चुरियनको नाम सुन्दैमा सबैको मुखमा पानी आँउछ ।
मन्चुरियनको स्वाद धेरै मनपर्छ भने तपाईंले यसलाई घरमै बनाएर पनि खान सक्नुहुन्छ ।
यो परिकार स्वादिष्ट हुनाको साथसाथै बनाउन पनि धेरै सजिलो छ । हाम्रै भान्छामा उपलब्ध सामान्य सामाग्रीबाट मन्चुरियन तयार गर्न सकिन्छ ।
मन्चुरियन बल्सको लागि आवश्यक सामग्री
बन्दागोभीः १ कप काटिएको
सिमीः २ ठूलो चम्चा
गाँजरः आधा कप काटिएको
भेडे खुसार्नीः आधा कप काटिएको
लसुनः आधा चम्चा काटिएको
अदुवाः आधा चम्चा काटिएको
प्याजः २ चम्चा
प्याजको पातः १ चम्चा काटिएको
मैदाः आधा कप
कर्नफ्लोरः आधा कप
मरिचको धुलोः १ चम्चा
नुनः स्वादअनुसार
तेलः आवश्यकता अनुसार
ग्रेभी बनाउने सामग्री
तेलः १ ठूलो चम्चा
अदुवाः आधा चम्चा काटिएको
लसुनः आधा चम्चा काटिएको
प्याजः आधा कप काटिएको
कागतीको रसः २ चम्चा
सोया ससः २ चम्चा
रेडचिल्ली ससः २ चम्चा
टोमाटो ससः २ चम्चा
मरिचको धुलोः आधा चम्चा
चिनीः आधा चम्चा
पानीः १ कप
नुन स्वादअनुसार
मन्चुरियन बल्स बनाउने विधि
१. सबैभन्दा पहिले एक कचौरामा बन्दागोभी, गाँजर, सिमी, भेँडेखुर्सानी, अदुवा, लसुन, हरियो प्याज, प्याज, मरिचको धुलो, मैदा, कर्न फ्लोर र स्वादअनुसार नुन राख्नुहोस् ।
२. सबै सामग्रीलाई मिसाउनुहोस् र त्यसमा १ कप पानी राखेर पेस्ट बनाउनुहोस्
३. उक्त पेस्टलाईसानो सानो डल्लो बनाएर प्लेटमा राख्नुहोस्
४. कराईमा आवश्यक मात्रामा तेल राखेर तताउनुहोस्
५. तेल तातिसकेपछि मन्चुरियन बल्सलाई डिप प|mाई गर्नुहोस् र बाहिर निकालेर आल्मुनियम फोयलमा राख्नुहोस् ताकी धेरै भएको तेल निस्कियोस् ।
ग्रेभी बनाउने विधि
१. प्यानमा तेल तताउनुहोस् । त्यसमा अदुवा, लसुन र हरियो प्याज राखेर पाँच देखि सात मिनेटको लागि पकाउनुहोस् ।
२. अब यसमा भिनेगर, सोयासस, रेड चिल्ली सस, टोमेटो सस, नुन र आधा चम्चा मरिचको धुलो राखेर पाँच मिनेटसम्म पकाउनुहोस् ।
३. फेरि यसमा आधा चम्चा चिनी र मन्चुरियन बल्स राखेर सानो आँचमा पकाउनको लागि छोडिदिनुहोस् ।
४. भेज मन्चुरियन तयार भयो । यसलाई तात्तातो सर्भ गरेर परिवारसँग बसेर स्वादिलो भेज मन्चुरियनको मज्जा लिनुहोस् ।
प्रतिक्रिया दिनुहोस