AP Khabar२०७५ पौष ७, शनिबार (५ साल अघि)
६३३ पाठक संख्या काठमाडौं , पुष ७ : भारतको पञ्जाबमा १७ वर्षीया किशोरीमाथि उनका बुवा र बुवाकै साथीले लगातार बलात्कार गर्ने गरेको खुलासा भएको छ । शुक्रबार दुवै आरोपीमाथि मुद्दा दर्ता भएको छ । सिविल लाइंस ठानाका एसएचओ भरत भूषणका अनुसार ती किशोरी ७ महिनाकी गर्भवती भएकी छन् ।
घटना पञ्जावको रुपनगरस्थित एक गाँउको हो । किशोरी आफ्नो बुवासँग बस्दै आएकी थिईन् । किशोरी गर्भवती भएपछि एक महिला बाल संगठनले प्रहरीलाई खबर गरेका थिए । त्यसपछि प्रहरीले किशोरीको मेडिकल टेस्ट गरेको थियो । किशोरीको पेटमा ७ महिनाको गर्भ भेटिएपछि आरोपी बुवा र उनका साथीको खोजीकार्य जारी रहेको प्रहरीले जनाएको छ ।
प्रहरीले यौन अपराध अन्तरगत बच्चाको संरक्षण अन्तरगत कानुनको धारा ३७६ (रेप) सहित अन्य बिषयमा मुद्दा चलाएको छ । यस अपराधमा दोषी ठहरिए ७ वर्षदेखि जन्मकैद गर्न सकिने व्यवस्था छ ।
जनता समाचार
प्रतिक्रिया दिनुहोस