AP Khabar
२०७५ पौष ८, आईतबार (
५ साल अघि)
४०९ पाठक संख्या
काठमाडौं , पुष ८ : खोटाङमा गएराती ट्याक्टर दुर्घटना हुँदा तीन जनाको मृत्यु भएको छ । एक जना घाइते भएका छन् । दिक्तेलबजारबाट रुपाकोट मझुवागढी निर्मलीडाँडा जाँदै गरेको को २ त ५६६० नम्बरको ट्याक्टर नेर्पाको कालीखोलामा दुर्घटना भएको हो ।
मृत्यु हुनेमा ट्याक्टर चालक ३५ वर्षीय मीनप्रसाद लुईटेल, २१ वर्षीय माईकल राई र दिक्तेल रुपाकोटका १८ वर्षीय खेमराज भुजेल रहेका छन् । लुईटेल र राईको घटनास्थलमै तथा भुजेलको जिल्ला अस्पताल खोटाङमा उपचारको क्रममा आज बिहान मृत्यु भएको प्रहरीले जनाएको छ ।
घाइते भएका २१ वर्षीय दुर्गाबहादुर लुईटेलको अवस्था चिन्ताजनक रहेको छ । प्रहरीका अनुसार उनलाई हेलिकोप्टरबाट काठमाडौं पठाउने तयारी भइरहेको छ ।ट्याक्टर सडकबाट करिब २ सय मिटर तल खसेको थियो । दुर्घटनाको कारण खुल्न नसकेको प्रहरीले जनाएको छ ।
जनता समाचार
प्रतिक्रिया दिनुहोस