आज:  २०८० फागुन १४, सोमबार | Mon, 26, Feb, 2024
FLASH NEWS
Advertisement
SKIP THIS

कलैयाको तीन पेट्रोल पम्पमाथि कारबाही

AuthorAP Khabar२०७५ पौष १०, मंगलबार (५ साल अघि) ४३५ पाठक संख्या

कलैया , पुष १० : पेट्रोलियम पदार्थको बिक्री वितरणमा एवं परिमाणमा अनियमितता गरेको आरोपमा कलैयाका तीन पेट्रोल पम्पलाई कारबाही गरिएको छ ।

वीरगञ्जस्थित गुणस्तर तथा नापतौल अञ्चल कार्यालयले गरेको छड्के जाँचमा उपकरण बिगारेर २० मिलीलिटरदेखि ४०० मिलीलिटरसम्म पट्रोलीयम पदाथको परिमाण कमी गरेको पाइएकाले ती पम्पका सञ्चालकलाई जनही तीन महीना कैद र रु १० हजार जरिवाना गरिएको हो ।

कलैया–१३ को विजय आयल स्टोर्स, कलैया–१४ को मोहम्मद आयल स्टोर्स र कलैया बधवनको शिवशङ्कर ट्रेडर्स कारबाहिमा परेको कार्यालय प्रमुख शशीप्रसाद यादवले जानकारी दिनुभयो । कार्यालयले बारा,पर्सा,मकवानपुर,रौतहट र चितवन जिल्लाका पम्पमा गरेको अनुगमन तथा विशेष जाँचमा सो अनियमितता पाइएको जनाएको हो ।

गत असोज १८ गतेदेखि पुस १ गतेसम्म निरन्तर ४२ वटा पम्पमा गरिएको जाँचका क्रममा ती तीन पम्पमाथि कारबाही गरिनाका साथै प्रवीण आयल स्टोर्स रौतहट, अमित आयल स्टोर्स कलैया, बारा गजभवानीपुरको जयविकास आयल स्टोर्स, बाबा आयल ट्रेडर्स सिमरा र अनवर पेट्रोलियम डिस्ट्रिब्युटर्स पिपरारी बारामाथि पानि कारबाही अघि बढाइएको उहाँले बताउनुभयो । 

उक्त कार्यालयले व्यावसायिक तथा औद्योगिक प्रतिष्ठानबाट उत्पादित तथा बिक्री वितरण गरिएका खाद्य सामग्रीमा समेत गुणस्तर जाँच र अनुगमन प्रक्रिया अगाडि बढाएको प्रमुख यादवले जानकारी दिनुभयो ।

पलखबर

प्रतिक्रिया दिनुहोस