AP Khabar
२०७५ पौष ११, बुधबार (
५ साल अघि)
४०७ पाठक संख्या
काठमाडौं , पुष ११ : राष्ट्रिय जनता पार्टीले महाधिवेशनको तयारी तीब्र पार्ने निर्णय गरेको छ । अध्यक्ष मण्डलकाे बुधबार बसेको बैठकले आसन्न महाधिवेशन तयारीका लागि सदस्यता नवीकरण लगायतका काम अघि बढाउने निर्णय गरेको हो ।
बैठकमा प्रधानमन्त्री केपी ओलीसँगको भेटपछि उत्पन्न राजनीतिक परिस्थितका बारेमा पनि छलफल भएको थियो । अध्यक्ष मण्डलका सदस्यले सरकारले संविधान संसोधनका लागि उपयुक्त वातावरण बनाउन सरकारले मागेको सात दिनको समयसिमा र सरकारलाई दिएको समर्थन फिर्ता लगायतका विषयमा छलफल गरेका थिए ।
लामोसमय अध्यक्ष मण्डलको बैठक बस्न नसकेका बेला बुधबार बसेको हो । तत्कालीन अध्यक्ष मण्डलका संयोजक महन्थ ठाकुरलाई हटाएर राजेन्द्र महतोलाई संयोजक बनाएपछि राजपामा आन्तरिक कलह चुलिँदै गएको हो । संयोजक फेरिएको २ महिना पुग्न लाग्दा पनि अध्यक्षमण्डलको बैठक बस्न सकेको थिएन । तत्कालीन संयोकक ठाकुरले आफ्नो पक्षलाई मनाएर मनाएर मात्र बैठक बोलाउन संयोजक महतोलाई चुनौती दिएपछि राजपामा आन्तरिक कलह बढ्दै गएको हो ।
यसैबीच अध्यक्ष मण्डलका सदस्य अनिल झाले आजको बैठक बहिस्कार गर्नुभएको छ । संयोजक फेरिएदेखि नै महतोसँग असन्तुष्ट रहेका झा बिना सूचना बैठकमा अनुपस्थित हुनुभएको राजपाले जनाएको छ ।
जनता समाचार
प्रतिक्रिया दिनुहोस