बाराको जीतपुरसिमरा उपमहानगरपालिका वडा नम्बर २४ हरपुरमा नेकपा एमालेले कार्यकर्ता भेला सम्पन्न गरेको छ । आशन्न मंसिर ४ को निर्वाचनमा एमालेलाई जीताउने उद्धेश्य सहित निर्वाच्न परिचालन कमिटिका साथै वडामा प्रचारप्रसारलाई तिब्रता दिन यो कार्यकर्ता भेला सम्पन्न भएको हो ।
एमाले वडा कमिटि अध्यक्ष भोला अंसारी सभाअध्यक्षतामा सम्पन्न कार्यक्रममा नेकपा एमालेका पोलिट ब्युरो सदस्य पुरुषोतम पौडेलको प्रमुख आतिथ्यता रहेको थियो । कार्यक्रमलाई सम्बोधन गर्दै पौडेलले एमालेलाई हराउने उद्धेश्यका साथ चुनावमा आएका गठबन्धनलाई जनतालाई पराजीत गराउने बताउनुभयो ।
एमालेका मधेश प्रदेश सहईन्चार्ज समेत रहनुभएका पौडेलले एमालले चुनाव जित्न विकासको कुरा गर्ने गरेको तर गठबन्धनमा भएका नेताहरुले एमालेलाई हराउन चुनावमा आएका ले अबको विकास, सुशासन र स्थायी सरकार निर्माणका लागि एमालेले जनताले बहुमत दिने दाबी गर्नुभयो ।
बाराको ३ क्षेत्रका साथै मधेश प्रदेश मै एकल सरकार बनाउने मत एमालेलाई जनताले दिन लागेको बताउदै उहाँले प्रतिद्धन्दि आतिएर जनताको बारेमा उल्टोपाल्टो बोल्न थालेको बाट गठबन्धनको पराजय निश्चित भएको बताउनुभयो ।
कार्यक्रममा बोल्दै बारा निर्वाचन क्षेत्र नं. ४ का प्रतिनिधी सभा उमेदवार एकवाल मियाले यो चुनाव जितेर गए आउदो चुनावमा आफ्नो कुनै दाबेदारी नहुने घोषणा गर्नुभयो । उहाँले २०८४ को निर्वाचनमा आफ्नो कुनैपनि पदका लागि दाबी नहुने र एमाले पार्टिको नेतृत्वमा बसेर जीवन बिताउने घोषणा गर्नुभयो ।
आफु सांसद भएको समयमा सबै गाउँटोललाई समेटने प्रयास गरेको पनि कहिकतै छुटेकोमा जनतासंग माफि माग्दै उनले बाराका साथै मधेष प्रदेशकै बालबालिकालाई सहज अध्ययनका लागि बारामा प्राविधिक शिक्षालयको शिलान्यास गरेको बताउनभयो ।
कार्यक्रममा एमालेका प्रदेश सभा सदस्यका उमेदवार देवनारायण चौधरीले जनताको काममा सधै लागि रहने पार्टि एमाले मात्र भएको र त्यसको प्रत्यक्ष नमुना आफु नै भएको बताउनुभयो । उहाँले जील्लाकै परिवेसमा कुनैपनि क्षेत्रमा बोलाएको बखत पुग्ने नेता आफै नै रहेको दाबी गर्दै प्रदेश र प्रतिनिधी सभामा एमालेलाई जीताउने सबैसंग आग्रह गर्नुभयो ।
कार्यक्रममा नेकपा एमालेका जील्ला सचिवालय सदस्य रमेश चौधरी, सल्लाकार सदस्य अफताब आलम, बारा निर्वाचन क्षेत्र नम्बर ४ का ईन्चार्ज कासिम हुसेन, ४(क) को ईन्चार्ज दिनेश्वर ठाकुर, वडा ईन्चार्ज भावना आचार्य, कलाम अंसारी, ईलियास देवान, फजलेहक अंसारी लगाएको उपस्थिती रहेको थियो ।
प्रतिक्रिया दिनुहोस