सुप्रिया ढकाल २०७८ भाद्र २७, आईतबार (२ साल अघि)
३२३ पाठक संख्या बारा । नक्कली नेपाली नोटको कारोबार गरेको आरोपमा बारा र रौतहटबाट ५ जना पक्राउ परेका छन् । भारतमा नोट बनाएर सोहि नोट नेपालमा कारोबार गर्ने बाराका ४ र रौतहटका १ जनालाई प्रहरीले पक्राउ गरेको हो ।
पक्राउ पर्नेमा बाराको निजगढबाट ४ जना र रौतहटको चन्द्रनिगाहपुरबाट १ जना रहेका छन् । उनिहरुको साथबाट नेपाली एक हजार दरका नक्कली र सक्कली नोट गरी झण्डै ९३ लाख रुपैयाँ बरामद भएको जिल्ला प्रहरी कार्यालय बाराले जनाएको छ ।
रौतहटमा पक्राउ परेका १ जनालाई पनि बारा ल्याईएको छ । पक्राउ परेका सबैलाई जिल्ला प्रहरी कार्यालय कलैया बारामा राखेर थप अनुसन्धान भइरहेको जिल्ला प्रहरी कार्यालय बाराले जानकारी दिएको छ ।
प्रतिक्रिया दिनुहोस