काठमाडौं , माघ १४ : प्रतिनिधिसभाबाट पारित भएको राष्ट्रिय चिकित्सा शिक्षा विधेयक राष्ट्रियसभामा आज पेश हुँदैछ ।
विधेयकबारे छलफल गर्न सोमबार बिहान ११ बजेका लागि राष्ट्रियसभा बैठक बोलाइएको छ । प्रमुख प्रतिपक्षी दल नेपाली कांग्रेसले विधेयक पारितप्रति विरोध जनाउँदै आएको छ । कांग्रेसले राष्ट्रियसभाको सोमबारको बैठक पनि अवरुद्ध पार्ने तयारी गरेको स्रोतले जनाएको छ ।
प्रतिनिधिसभाबाट पारित भएको विधेयक राष्ट्रियसभामा छलफल हुने तथा उपयुक्त ठहरिए लालमोहरको लागि राष्ट्रपतिसमक्ष पठाउने र अनुपयुक्त लागे पुनः प्रतिनिधिसभामा फिर्ता पठाउने संवैधानिक प्रावधान छ । चिकित्सा शिक्षा विधेयक राष्ट्रियसभाको आजको बैठकले पारित गरेर राष्ट्रपतिसमक्ष पठाउने तयारी भइरहेको स्रोतले जनाएको छ ।
जनता समाचार
प्रतिक्रिया दिनुहोस