एपी खबर – माघ, २५-
नेपाल कम्युनिस्ट पार्टी(नेकपा)को कार्यदलको बैठक शुक्रबार दिउँसो बस्ने भएको छ । पार्टी एकीकरणको संगठनात्मक प्रस्ताव टुंगो लगाउन गठन गरिएको कार्यदलको बैठक १ बजे बोलाइएको छ ।
हिजो बिहीबार बसेको कार्यदलको बैठकमा संयोजक रामबहादुर थापाले यसअघि भएका निर्णयहरु पुनरावलोकन गर्नुपर्ने भन्दै तीन पृष्ठको प्रतिवेदन पेश गर्नुभएको थियो । आज बस्ने बैठकमा हिजो बुझाइएको प्रतिवेदनमाथि छलफल हुने बताइएको छ ।
गत मंसिर २९ गतेदेखि बसेको पार्टीको स्थायी समिति बैठक सकिँदै गर्दा पुस १३ मा ९ सदस्यीय कार्यदल गठन गरिएको थियो । कार्यदललाई १० दिनभित्र आफ्नो प्रतिवेदन तयार गर्न भनिए पनि उसले प्रतिवेदन तयार गर्न सकेको छैन ।
जनाता समाचार
प्रतिक्रिया दिनुहोस