व्यक्तिगत स्वार्थसिद्धका लागि जारी भइरहेका फलादेशप्रति सचेत हुन तीन ज्योतिषसम्बद्ध संस्थाहरूले आह्वान गरेका छन् ।
विश्व ज्योतिष महासंघ, दक्षिण एसियाली ज्योतिष महासंघ र नेपाल ज्योतिष परिषदले संयुक्तरुपमा गठन गरेको अनुगमन समितिले एक वक्तव्य जारी गर्दै सो आग्रह गरेको हो ।
ज्योतिषशास्त्रका ग्रन्थमा उल्लेख नभएका तथा पुराना ज्योतिषको अनुभवभन्दा फरक किसिमले फलादेशबारे प्रचार–प्रसार गरिएको पाइएको अनुगमन समिति संयोजक एवं वाल्मीकि विद्यापीठ ज्योतिष विषयका उपप्राध्यापक लक्ष्मीप्रसाद बरालले बताए ।
यस्तो विज्ञापन केही सन्चारमाध्यम र सामाजिक सञ्जालमासमेत फैलिएको उल्लेख गर्दै उनले त्यस्ता व्यक्तिबाट जोगिन सर्वसाधारणलाई सुझाव दिनाका साथै शास्त्रीय मर्यादाविपरीत प्रचार–प्रसार गरी जनतालाई भ्रममा पार्न खोज्नेलाई कानुनी कारबाहीको दायरामा ल्याउनसमेत समितिले सरकारसँग माग गरेको छ ।
image khabar
प्रतिक्रिया दिनुहोस