राष्ट्रपति विद्यादेवी भण्डारीको निमन्त्रणामा आइतबार साँझ शीर्ष नेताहरू सहितको गोप्य बैठक सम्पन्न भएको छ । आइतबार साँझ पाँच बजेपछि प्रधानमन्त्री केपी शर्मा ओली, नेकपाका अध्यक्ष पुष्पकमल दाहाल ‘प्रचण्ड’, प्रमुख प्रतिपक्षी दलका नेता एवं कांग्रेस सभापति शेरबहादुर देउवा र उपसभापति विजयकुमार गच्छदार राष्ट्रपति निवासमा पुगेका हुन् ।
नेताहरुले राष्ट्रपति भण्डारीसँग समसामयिक विषयमा छलफल गरेको शीतल निवास स्रोतले जनाएको छ। राष्ट्रपति भण्डारीको निमन्त्रणामा सत्तापक्षका दुई र प्रमुख प्रतिपक्षी दलका दुई शीर्ष नेता शीतल निवास पुगेका हुन्।
बालुवाटार स्रोतका अनुसार समसामयिक राजनीतिक घटनाक्रमका विषयमा शीर्ष नेताहरूबिच छलफल भएको बताइएको छ। तर राष्ट्रपति र प्रधानमन्त्रीका सचिवालयले भने छलफलका विषयबारे केही खुलाएको छैन
janta samachar
प्रतिक्रिया दिनुहोस