असार २२ काठमाडौँ,
विश्वकप क्रिकेट २०१९ मा शनिबार रातिबाट लिग चरणबाट सबै खेल समाप्त भएका छन् र त्यससँग सेमिफाइनल समीकरण पनि पूरा भएको छ । हिजो राति भएको पहिलो खेलमा श्रीलंकालाई पराजित गर्दै भारत १५ अंकसहित अंक तालिकाको शीर्षस्थानमा पुगेको छ ।
११ अंकसहित अंक तालीकाको चौथो स्थानमा न्यूजिल्यान्ड छ। आईसीसीको खेल तालिकाअनुसार, शीर्षस्थानमा रहेको भारत र चौथो स्थानमा रहेको न्यूजिल्यान्डबीच पहिलो सेमिफाइनल हुनेछ। साउन २४ गते दिउसो ३ः१५ बजे मेनचेस्टरमा भारत र न्यूजिल्यान्ड भिड्नेछन्। त्यस्तै, अस्ट्रेलिया र ईग्ल्यान्डबीच दोस्रो सेमिफाइनल हुनेछ।
हिजो राति भएको दोस्रो खेलमा दक्षिण अफ्रिकासँग पराजित भएपछि अस्ट्रेलिया १४ अंकमा तालिकाको दोस्रो स्थानमा झरेको हो। इंग्ल्यान्ड १२ अंकमा तेस्रो स्थानमा रह्यो ।
विश्वकप खेलतालिका अनुसार, दोस्रो सेमिफाइलनमा अंक तालिकाको दोस्रो स्थानमा रहेको अस्ट्रेलिया र तेस्रो स्थानमा रहेको ईग्ल्यान्ड साउन २६ गते भिड्नेछन्। उनीहरूबीचको खेल दिउसो ३ः१५ बजे बर्मिङघममा हुनेछ।
प्रतिक्रिया दिनुहोस