AP Khabar२०७६ श्रावण १५, बुधबार (४ साल अघि)
३३३ पाठक संख्या श्रावन १५ सिन्धुली । हरिहरपुरगढी गाउँपालिका–७ क्यानेश्वरको कुन्दा दोभानमा बुधबार बिहान एक महिलाको शव फेला परेको छ ।
शव स्थानीय ४८ वर्षीया रानीमाया मोक्तानको भएकाे जिल्ला प्रहरी कार्यालय सिन्धुलीले जनाएको छ ।
शवको प्रारम्भिक अनुसन्धान अनुसार घाँटीमा डोरीले बाँधेर टाउकामा कुनै ठोस बस्तुले हानेर हत्या गरिएको हुनसक्ने प्रहरीको भनाइ छ ।
रानीमाया एक्लै बस्ने एकल महिला भएको र हत्या रहस्यमय देखिएकाले अनुसन्धानका लागि जिल्ला प्रहरी सिन्धुलीबाट प्रहरी निरीक्षकको नेतृत्वमा थप टोली पठाएको प्रहरी उपरीक्षक चक्रबहादुर सिंहले जानकारी दिनुभयो ।
प्रतिक्रिया दिनुहोस