AP Khabar२०७६ श्रावण १६, बिहिबार (४ साल अघि)
२२२ पाठक संख्या श्रावण १६ काठमाडौं,
प्रहरीले अवैध रुपमा काठमाडौँ ल्याउँदै गरेको अवस्थामा एक किलो सुनसहित एक जनालाई पक्राउ गरेको छ । पक्राउ पर्नेमा रसुवाको गोसाइँकुण्ड गाउँपालिका–५ का ३२ वर्षीय पेम्बा दिण्डुप तामाङ रहेका छन् ।
बा ९ प २७२६ नम्बरको मोटरसाइकलमा धादिङबाट काठमाडौँतर्फ आउँदै गरेको अवस्थामा उनलाई प्रहरीले नागढुङ्गाबाट नियन्त्रणमा लिएको हो । तामाङले अवैधरुपमा सुन ओसारपसार गरिरहेको भन्ने सूचनाका आधारमा महानगरीय प्रहरी वृत्त थानकोट र प्रभाग नागढुङ्गाबाट खटिएको प्रहरी टोलीले उनलाई बुधबार राति पक्राउ गरेको हो ।
उनले सुनको चार ओटा टुक्रालाई कालो टेपले बेरेर पाइन्टको पेटी लगाउने स्थानमा लुकाएर ल्याएका महानगरीय प्रहरी परिसर काठमाडौँका प्रहरी नायब उपरीक्षक होविन्द्र बोगटीले जानकारी दिए ।
प्रहरीले यही साउन ९ गते गोरखाको धार्चे गाउँपालिका–३, खोर्लाबेसी नजिकैका ओढारबाट १६ किलो सुन बरामद गरेको थियो ।
प्रतिक्रिया दिनुहोस