बन्द भएका १ सय ९५ कम्पनीमा प्राधिकरणको ६५ करोड बक्यौता

AP Khabar२०७६ आश्विन ७, मंगलबार (४ साल अघि)

३९२ पाठक संख्या

असोज , ७ : नेपाल नागरिक उड्डयन प्राधिकरणले बक्यौता नतिर्ने १ सय ९५ कम्पनीको नाम सार्वजनिक गरेको छ । हाल बन्द भइसकेका वायुसेवा कम्पनी, ट्राभल, टूर तथा विभिन्न कम्पनीबाट बक्यौता रकम उठाउन नसकेपछि प्राधिकरणले रकमसहित सार्वजनिक गरेको हो ।नेपाल नागरिक उड्डयन र अन्तर्गत रहेका विभिन्न नागरिक उड्डयन कार्यालयबाट ६५ करोड ८ लाख ७६ हजार ६ सय ३१ रुपैयाँ ३१ पैसा बराबरको रकम उठाउन बाँकि रहेको छ । ‘मंगलबार सार्वजनिक गरेको बक्यौता बन्द भइसकेका कम्पनीको हो,’ प्राधिकरणका सूचना अधिकृत त्रिलोचन पौडेलले भने, ‘संचालनमा रहेका वायुसेवा कम्पनी, अन्य कम्पनी र सरकारी एजेन्सीको बक्यौता भने यहाँ उल्लेख गरिएको छैन ।’

प्राधिकरणका अनुसार सूचना प्रकाशित भएको मितिले ३० दिनभित्र रकम बुझाउन कम्पनीहरुलाई समय तोकिएको छ । तोकिएको समयमा पनि बक्यौता नतिरे कानून अनुसार कारवाही प्रक्रिया थाल्ने प्राधिकरणले स्पष्ट पारेको छ ।

विगतमा सञ्चालनमा रहे पनि अहिले बन्द भइसकेका वायुसेवा कम्पनीको बक्यौता बढी देखिएको छ । प्राधिकरणका अनुसार सबैभन्दा बढी एयर एसियाको बक्यौता छ । नेपाल उडान रद्द गरिसकेको यो कम्पनीले कूल १८ करोड ९४ लाख २१ हजार ४ सय ५७ रुपैयाँ प्राधिकरणलाई तिरेको छैन ।

कम्पनीहरुको बक्यौता सुची यसप्रकार छः

एयर एसियाः १८ करोड ९४ लाख २१ हजार ४ सय ५७

एयर डाइनेस्टी ः ४ लाख १८ हजार ३ सय ९७

अग्नी एयर ः १ लाख ११ हजार १ सय ९५

एयर काष्ठमण्डप ः १४ हजार ५ सय ७३,

एयर नेपाल ः ७८ हजार ८ सय ९७,

एयर सहारा जेट ः ३४ लाख ७८ हजार १ सय २६

अल्फाइन एयर ः ७२ हजार ७ सय २८

अल्टिच्यूड एयरः ३ लाख ७६ हजार ९ सय २५

फिस्टेल एयर ः २७ लाख ३१ हजार ६ सय ६२

गरुण एयर ः २७ हजार ४ सय ४० रुपैयाँ

जीएमजी एयरलाइन्स ः १ लाख ५९ हजार १ सय १ रुपैयाँ