ब्रह्म कुमारी राजयोग सेवा केन्द्र जीतपुर शाखाले बधाई तथा शुभकामना कार्यक्रमको आयोजना गरेको छ । केन्द्रले नवनिर्वाचीत प्रदेश सदस्य देवनारायण चौधरीलाई बधाइई दिदै सफल कार्यकालको शुभकामना दिन यस कार्यक्रमको आयोजना गरेको हो ।
कार्यक्रममा ब्रह्म कुमारी राजयोग सेवा केन्द्र जीतपुर शाखाले मधेस प्रदेशका प्रदेश सभा सदस्य चौधरीलाई फुलमालाका साथै दोसल्ला ओढाएर सम्मान गर्दै सफल कार्यकालको शुभकामना दिएको छ ।
यस केन्द्रको स्थापना कालदेखि नै रचनात्मक भुमिका निर्वाह गर्दै आउनुभएका प्रदेश सभा सदस्य चौधरीको जितका लागि हामि सबैले ईश्वरसंग प्रार्थना गरेको केन्द्रका संचालिका रेनु दिदिले बताउनुभयो । उहाँले ईश्वरका सन्तान हामी सबैको विकासका लागि देवनारायण सरको सकारात्मक भुमिका रहनेमा आफु सबै विश्वस्त रहेको त्यसका लागि उहाँलाई सफल कार्यकालको शुभकामना समेत दिएको जानकारी दिनुभयो ।
कार्यक्रमलाई सम्बोधन गर्दै प्रदेश सभा सदस्य चौधरीले आफु गाविस अध्यक्ष जीतेको समयमा यस केन्द्रको स्थापनार्थ खेलेको भुमिका स्मरण गर्नुभएको थियो । उहाँले ब्रह्म कुमारी राजयोग सेवा केन्द्र एउटा बैज्ञानिक सिद्धान्तमा अगाडी बढ्ने धार्मीक संस्था भएका कारण यस संस्था प्रति आफ्नो लगाव बढेको समेत सबैमा जानकारी दिनुभएको थियो ।
केन्द्रकी संचालिका रेनु दिदिको सभा अध्यक्षतामा सम्पन्न यस कार्यक्रममा जीतपुरसिमरा उपमहानगरपालिका वडा नम्बर ५ का वडा अध्यक्ष दिपेन्द्र चौधरी, वडा नम्बर ७ का वडा सदस्यद्धय सिता उप्रती, ललिता देवि, स्थानिय समाजसेवि कपिलदेव यादब, आफताब आलम लगाएत स्थानियहरुको उल्लेख्य सहभागिता रहेको थियो ।
संजय भाईजीको सहजीकरणमा सम्पन्न यस कार्यक्रममा श्रवण गुप्ताले अतिथीहरुलाई स्वागत गर्नुभएको थियो ।
प्रतिक्रिया दिनुहोस