अखिलेश कुमार यादव २०७९ फागुन १९, शुक्रबार (१ साल अघि)
२५६ पाठक संख्या सिमरा : बारा जिल्लाको जीतपुरसिमरा उपमहानगरपालिकाको वडा न ३ ले एक कार्यक्रमको बीच आफ्नो वडा भित्र रहेका किसानलाई तरकारीको बिउँ वितरण गरेको छ ।
वडा स्तरीय योजना बाट आर्थिक बर्ष २०७९/८० मा वडा न ३ को कार्यालय बजनीले किसानामुखी कार्यक्रम अन्तर्गत किसानलाई धानको बिउँ,गहुँको बिउँ र तरकारीको बिउँ उपलब्ध गराएको हो । देशमा आर्थिक मन्दी छाएको बेला आफुले वडा स्तरीय योजनामा नै किसानहरुको लागि बिभिन्न प्याकेज अन्तर्गत बजेट बिनियोजन गरेर किसानमुखि कार्यक्रम संचालनमा ल्याएको वडा अध्यक्ष तारा बहादुर कार्की क्षेत्री बताउनुहुन्छ ।
गहुँ बालि भित्राए संगै तराइको किसानहरुले चैते धानको खेति गर्ने भएकोले आफुले आफ्नो वडा कार्यालयको तर्फ बाट समयमा नै किसानहरुलाई चैते धानको बिउँ वितरण गराएको र आज एक कार्यक्रमको बीच लौका,करैला,भिंडी,बोडी लगाएतको तरकारीको बिउँ वितरण गरेको समेत उहाँले बताउनु भयो ।
समयमा नै वडा न ३ को किसानहरुले धान,गहुँ, तरकारीको बिउँ पाए पछि निकै नै हर्षित भएको देखिएको छ ।यतिकै खालि रहेको आफ्नो जमिनमा वडाले उपलब्ध गराएको बिउँ लगाएर आफै तरकारी उतपादन गरेर खाने भए पछि वडा न ३ को किसान भिम बहादुर कार्कीले वडा अध्यक्ष कार्कीको प्रशंसा समेत गरेको छ ।
यता वडा अध्यक्ष कार्कीले अब बैशाख जेठमा आफ्नो वडाको किसानहरुलाई घासको बिउ र मल खाद लगाएत पशुपालन गरिरहेको किसानलाई सहयोग गर्ने प्रतिबद्धता गर्नु भयो ।उक्त तरकारीको बिउ वितरण कार्यक्रममा वडा सदस्य वडा सचिव लगाएत अन्य जनप्रतिनिधिको उपस्थिति रहेको थियो ।
प्रतिक्रिया दिनुहोस