५७७ पाठक संख्या काठमाडौं : राजसंस्था पुनर्स्थापनाको माग गर्दै काठमाडौंमा शनिबार प्रदर्शन भएको छ ।माइतीघर मण्डलामा राष्ट्रिय नागरिक आन्दोलनले आयोजना गरेको प्रदर्शनमा प्रदर्शनकारीले राज्यसंस्था पुनर्स्थापना तथा धार्मिक सापेक्षतासहितको राज्यको माग गरेका छन् ।
उनीहरुले संघीयताको विकल्प खोजिनु पर्ने र अबको विकल्प नागरिक सरकार रहेकोसहितका नारा लेखिएका प्लेकार्ड बोकेका छन् ।
आन्दोलनमा सहभागी अधिकांशसले मास्क लगाएका छन् भने प्रायले राष्ट्रिय झण्डा बोकेका छन् । पछिल्ला दिनहरुमा देशका विभिन्न स्थानमा यस्ता प्रदर्शन लगातार हुँदै आएका छन् ।
शनिबारको प्रदर्शनमा पनि सहभागीले राष्ट्रनिर्माता पृथ्वीनारायण शाहको ठूलो तस्विर बोकेका छन् । प्रदर्शनमा विभिन्न झाँकी समूह पनि सहभागी छन् ।
प्रतिक्रिया दिनुहोस