जाजरकोट । शनिबार सांझ परेको चट्याङ्ग लागेर जाजरकोटमा चट्याङ्ग लागेर एक किशोरीको मृत्यु भएको छ । जाजरकोटको बारेकोट गाउँपालिका १ कोटेलीकी १६ वर्षीया सम्झना गिरीको चट्याङ्ग लागेर मृत्यु भएको हो ।
भान्सा घरमा खाना पकाउँदै गरेको बेला उनलाई चट्याङ्ग लागेर घटनास्थलमै मृत्यु भएको जिल्ला प्रहरी कार्यालय जाजरकोटले जनाएको छ ।
नेपालगञ्जमा बसेर कक्षा १० मा पढ्दै गरेकी उनी तीज मान्न केही दिनअघि मात्रै घर गएकी आफन्तले बताएका छन् ।
प्रतिक्रिया दिनुहोस