AP Khabar२०७५ पौष २९, आईतबार (५ साल अघि)
३७७ पाठक संख्या काठमाडौं , पौष २९ : नेपाली बजारमा पेरुको मोटरसाइकल कम्पनी कायोको डर्ट तथा मोटार्ड बाइक भित्रिएको छ । सो बाइकको मूल्य ७ लाख ८५ हजार रुपैयाँ तोकिएको छ ।
विशेष गरी अफरोड राइडिङका लागि उपयुक्त सो बाइक एड्भेन्चर मन पराउनेहरुका लागि उपयुक्त छ । २५० सीसीको सो बाइकमा ईएफआई फोर भल्व बिग बोर वाटर कुल्ड इन्जिन छ । कायोकै फ्रेम रहेको सो बाइकमा ६–स्पिड गियरबक्स उपलब्ध छ । त्यसैगरी अपसाइड डाउन फ्याक्ट्री फोर्क्स छ ।
दुवै पांग्रामा ओभरसाइज्ड डिस्क ब्रेक रहेको सो बाइकको सिट हाइट ९५५ एमएम छ । बाइकमा ५२० एचडी चेन, एचडी स्विङग्राम, बल बेरिङ स्विङग्राम, सफ्ट रबर ग्रिप आदि फिचर उपलब्ध छ ।
नेपाली बजारमा बीएसई इन्टरनेसनलले सो बाइक भित्र्याएको हो । गत शनिबार त्रिशुली रिभरसाइड रिसोर्टमा आयोजित बाइकर्स नाइट आउटमा सो बाइक लन्च गरिएको थियो । यसको पुरानो मोडल भने पहिले देखि नै नेपाली बजारमा उपलब्ध थियो ।
-नेपाल अटाे
प्रतिक्रिया दिनुहोस