चितवन भएर गुड्ने सार्वजनिक सवारीसाधनमा डस्विन अनिवार्य गरिने भएको छ । जिल्ला ट्राफिक प्रहरी कार्यालयले विभिन्न सरोकारवाला संगको सहकार्यमा डस्विन वितरण र अनुगमनलाई तिब्रता दिएको छ ।
ट्राफिकले अहिलेसम्म सार्वजनिक सवारिसाधनमा ३८० वटा डस्विन वितरण गरेको जानकारी दिएको छ । यो अवधिमा भरतपुर महानगरपालिकामा १४०, राप्ती नगरपालिकामा ४० र इच्छाकामना गाँउपालिकामा २ सय वटा डस्विन वितरण गरिएको छ । अभियानमा चितवन उद्योग संघ,वे गु्रप,सामर्थे नेपाल र रेडक्रसले सहकार्य गरेका छन् ।
बुधवार मात्रै चितवन उद्योग संघको सहयोगमा नारायणगढमा ८० वटा डस्विन वितरण गरिएको छ । जिल्ला समन्वय समिति चितवनका प्रमुख कृष्ण कुमार डल्लाकोटी र प्रमुख जिल्ला अधिकारी जितेन्द्र बस्नेतले सार्वजनिक सवारीसाधनलाई डस्विन वितरण गर्नुका साथै सचेतनामूलक स्टिकर टाँस गर्नुभयो ।
जिल्ला ट्राफिक प्रहरी कार्यालय चितवनको तथ्याङक अनुसार दैनिक पूर्व पश्चिम राजमार्गमा १५ हजार र नारायणगढ–मुग्लिन सडकखण्डमा साढे १२ हजार सवारिसाधन गुड्ने गर्छन् ।
narayanionline
प्रतिक्रिया दिनुहोस