कञ्चनपुरको कृष्णपुर नगरपालिकामा पर्ने डोण्डा खोलामा मापदण्डविपरीत अवैध रुपमा नदीजन्य पदार्थको उत्खनन् भइरहेको छ ।
पूर्वपश्चिम राजमार्गअन्तर्गत पर्ने यस खोलामा राजमार्ग तथा पुलको २ सय मिटरमै अवैध रुपमा बालुवा उत्खनन् भइरहेको हो । जसका कारण पुल र राजमार्ग जोखिममा परेको छ । वातावरणीय प्रभाव मूल्यांकन प्रतिवेदन अनुसार राजमार्ग, सहायक राजमार्ग, पुलपुलेसा, कलभर्ड, नहर, तटबन्धको ५ सय मिटर ‘तलमाथि’ क्षेत्रबाट ढुंगा, बालुवा, माटो झिक्नुपर्ने प्रावधान छ ।
कृष्णपुर नगरपालिकाको २ नम्बर वडामा पर्ने सो खोलामा अवैध उत्खनन भए पनि सम्बन्धित निकाय भने बेखबर देखिएको छ । नगरपालिकाले चालु आर्थिक वर्षमा आफ्नो स्वामित्वमा पर्ने चारवटा नदी तथा खोलालाई नदीजन्य पदार्थ उत्खननका लागि २ करोड २९ लाख रुपैयाँमा ठेक्का सम्झौता गरेको जनाएको छ । तर राजमार्ग छेउबाटै बालुवा उत्खनन् भइरहेकोबारे आफूहरुलाई जानकारी नभएको कृष्णपुर नगरपालिकाका सूचनाअधिकारी प्रेम बोगटीले बताए ।
उनले अवैध उत्खननबारे कसैले गुनासो नगरेको भन्दै त्यसबारे बुझेर अवैध काम गर्नेलाई कारवाही गरिने बताए ।
imagekhabar
प्रतिक्रिया दिनुहोस