AP Khabar२०७५ चैत्र २७, बुधबार (५ साल अघि)
२७६ पाठक संख्या चैत्र २७ सर्वोच्च अदालतले नेपाल कम्युनिस्ट पार्टी विप्लवका नेता हेमन्तप्रकाश वलीलाई थुनामा राख्न बाटो खुला गरिदिएको छ । गैरकानुनी रुपमा थुनामा राखेको भन्दै वलीकी छोरी विपनाले सर्वोच्च अदालतमा दायर गरेको बन्दी प्रत्यक्षीकरण रिट सर्वोच्चले खारेज गरिदिएको छ ।
न्यायाधीशहरु अनिलकुमार सिन्हा र टंकबहादुर मोक्तानको इजलासले रिट खारेज गरेको हो । नख्खुस्थित एनसेल मुख्यालयमा भएको बम आक्रमणको सञ्चार माध्यममार्फत जिम्मा लिएका वलीलाई प्रहरीले काभ्रेबाट पक्राउ गरेको थियो । यसअघि सर्वोच्चले उनलाई पक्राउ गर्नुको कारणसहित अदालतमा हाजिर गराउन आदेश दिएको थियो ।
बुधबार सर्वोच्चले रिट खारेज गरेपछि सरकारले वलीलाई थुनामा नै राखेर घटनाको अनुसन्धान गर्न पाउने भएको छ ।
janta samachar
प्रतिक्रिया दिनुहोस