बैशाख २० अन्तर्राष्ट्रिय क्रिकेट परिषद् (आइसीसी) टी ट्वान्टी क्रिकेटको वरियतामा नेपाल ११ औं स्थानमा उक्लिएको छ । आईसीसीले शुक्रबार सार्वजनिक गरेको नयाँ वरियतामा नेपाल ३ स्थान सुधार गर्दै ११ औं स्थानमा उक्लिएको हो ।
यसअघि नेपालले १४ औं स्थानमा रहेको थियो । नेपालले आयरल्यान्ड र जिम्बाबे जस्ता टेष्ट राष्ट्रलाई पछि पारेको छ । टी ट्वान्टी वरियताको शीर्ष स्थानमा पाकिस्तान छ भने दोस्रोमा दक्षिण अफ्रिका, तेस्रोमा इङ्ग्ल्याण्ड, चौंथोमा अष्ट्रेलिया र पाँचौंमा भारत छ । त्यसैगरि स्कटल्यान्ड १२, जिम्बाबे १३ ,आयरल्यान्ड १५ र यूएई १६ औं स्थानमा छन् ।
प्रतिक्रिया दिनुहोस