५ जेठ काठमाडौं : नेपाल कम्युनिष्ट पार्टी ‘नेकपा’को एकता पक्रियाको बाँकी काम टुङ्गो लगाउन आज सचिवालय बैठक बस्दैछ । एकता घोषणा भएको एक वर्ष पूरा भए पनि एकता प्रक्रियाका केही काम टुङ्गो लगाउन बैठक आव्हान गरिएको हो ।
प्रधानमन्त्री निवास बालुवाटारमा हुने बैठकमा पोलिटव्युरो कमिटीमा रहने सदस्य, केन्द्रीय कमिटीका सदस्यहरूको जिम्मेवारी टुग्याउने तयारी गरेको छ । त्यस्तै पार्टी आयोग गठन, केन्द्रीय सल्लाहकार परिषद् तथा केन्द्रीय ज्येष्ठ कम्युनिस्ट मञ्च गठनबारेपनि बैठकमा छलफल हुनेछ ।
यसअघि बिहीबार बसेको सचिवालय बैठकले पार्टीको जनवर्गीय सङ्गठनको नेतृत्वबारेमा सहमति जुटाएको थियो । नेकपाले २०७५ जेठ ३ गते पार्टी एकताको घोषणा गरेको थियो ।
प्रतिक्रिया दिनुहोस