१५१ पाठक संख्या
बाराको जितपुरसिमरा उपमहानगरपालिका वडा नम्बर २१ अमलेखगंजमा प्रथम अमलेखगञ्ज चकरी स्तरीय सितोरियो प्रतियोगिता सम्पन्न भएको छ । नेपाल मधेसी उत्थान उत्थान समाज र नेपाल सितोरियो कराते डो सघको आयोजनामा यो प्रतियोगीता सम्पन्न भएको हो ।
बालबालिका लाई खेल प्रतिको आकर्षण बढाउन र खेल खेल्दै आएका खेलाडीहरुको बृद्धिविकासलाई ध्यानमा राखेर यो खेलको आयोजना गरीएको आयोजकले जनाएको छ । कार्यक्रमलाई सम्बोधन गर्दै जितपुरसिमरा उपमहानगरपालिका वडा नम्बर २१ का वडा अध्यक्ष सुवास श्रेष्ठले खेलको विकासका लागि यो वडा सधै तैयार रहेको बताउनुभयो ।
नेपाल मधेसी उत्थान समाजका अध्यक्ष सुनिल शाहको अध्यक्षतामा सम्पन्न यस कार्यक्रममा तत्कालीन अमलेशगञ्ज गाविसका पूर्व अध्यक्ष भरतबहादुर घले, करातेका प्रशिक्षक हेमलाल श्रेष्ठ, सानु पटेल, मनकामना साकोसका उपाध्यक्ष विशाल साह ( अनिल) लगाएत विभिन्न संघसस्थाका प्रतिनिधीहरुले कार्यक्रमको सफलताको शुभकामना ब्यक्त गर्नुभएको थियो ।
प्रतिक्रिया दिनुहोस