AP Khabar२०७६ मंसिर २३, सोमबार (४ साल अघि)
२९९ पाठक संख्या मंसिर २३ काठमाडौँ,
भारतसँग पराजित भएपछि नेपाली महिला टोलीका प्रशिक्षक हरि खड्काले पदबाट राजिनामा दिएका छन् । सोमबार १३ औं सागमा भारतबाट २–० ले पराजित भएपछि खड्काले नैतिकताका आधारमा राजिनामा दिएका हुन् ।
“स्वर्णपदकका लागि हामीले भारतलाई हराउन सकेनौं । त्यसैले नैतिकताका आधारमा म राजिनामा दिन्छु”, खेलपछि पत्रकारसँग कुरा गर्दै खड्काले भने ।
त्यस्तै भारतसँग पराजित भएलगत्तै नेपाली राष्ट्रिय फुटबल टिमकी कप्तान निरु थापाले पनि अन्तर्राष्ट्रिय प्रतियोगिताबाट सन्न्यास घोषणा गरेकी छन् ।
उनीसँगै अर्की डिफेन्डर मनमाया लिम्बूले पनि सन्न्यास लिएकी छन् ।
खड्काकै प्रशिक्षकत्वमा गतवर्ष भारतमा सम्पन्न प्रतियोगितामा नेपालले भारतलाई पहिलोपटक पराजित गरेको थियो । गत फागुनमा भएको अर्को साफमा भने नेपाल भारतसँग पराजित भएको थियो ।
खड्का गतवर्ष जेठमा राष्ट्रिय महिला टोली प्रशिक्षकमा नियुक्त भएका थिए । फाइनलमा भारतसँग हारपछि नेपाल रजत पदकमा सिमित भएको छ ।
प्रतिक्रिया दिनुहोस