मंसिर २५ काठमाडौं ।
सत्तारुढ नेपाल कम्युनिष्ट पार्टी (नेकपा) ले संसदको हिउँदे अधिवेशनअगावै उपसभामुख शिवमाया तुम्बाहाम्फेलाई राजीनामा गराउने भएको छ ।
पुस ४ मा सुरु हुने अधिवेशनको अध्यक्षता राजपा नेता एवं जेष्ठ सदस्य महन्त ठाकुरले गर्नुहुने भएको छ ।
संसदको नियमावलीमा रहेको व्यवस्थाअनुसार प्रतिनिभिसभा बैठकको प्रारम्भ र अन्त्य सभामुखले गर्छन् ।
सभामुख नहुँदा ज्येष्ठ सदस्यबाट गराइन्छ । तर यौन दुर्व्यवहारको आरोपमा कृष्णबहादुर महराले राजीनामा दिएपछि सभामुख पद खाली छ ।
सभामुख र उपसभामुख फरक दल र लिंगको हुनुपर्ने संवैधानिक व्यवस्था छ ।
उपसभामुखबाट राजीनामा नगरी नेकपाका सांसदले सभामुखमा प्रतिष्पर्धा गर्न नपाउने भएकाले नेकपाले उपसभामुख तुम्बाहाम्फेलाई राजीनामा गराउन लागेको हो ।
सभामुख आफ्नो पार्टीले लिँदा उपसभामुख अन्य वार्टीलाई दिने नेकपाले तयारी गरेको छ । उपसभामुख तुम्बाहाम्फेले भने सभामुखको निर्वाचन प्रक्रिया प्रारम्भ भएपछि मात्रै आफूले राजीनामा दिने बताउनुभएको छ । अन्नपूर्ण पोष्ट्मा समाचार छ ।
प्रतिक्रिया दिनुहोस