AP Khabar२०७७ बैशाख २४, बुधबार (४ साल अघि)
११०५ पाठक संख्या दिपक चौरसिया÷
पर्सा २४ वैशाख ।
वीरगंज महानगरपालिका वडा नं. ३ छपकैयाबाट एकै परिवारका १७ जनामा कोरोना संक्रमण देखिएको छ । जस्मा दुई महिना, ६ महिनाको बालबालिका देखि लिएर ६६ वर्ष सम्मका १७ जना रहेको नारायणी अस्पताल स्रोतले जनाएको छ ।
नेपालमा पहिलो पटक दुई महिनाको शिशुमा समेत कोरोना भाइरस संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार बुधबार पर्साका दुई महिनादेखि ६६ वर्षसम्मका गरेर १७ जनामा कोरोना पोजिटिभ देखिएको हो । जसमध्ये सात महिला र १० पुरुष छन् । यो सँगै संक्रमितको संख्या ९९ पुगेको छ । २२ जना भने निको भएका छन् ।
प्रवक्ता देवकोटाका अनुसार अहिलेसम्म पीसीआर विधिबाट १४ हजार ९६ नमुना परीक्षण भएका छन् भने आरडीटी विधिबाट ५२ हजार ९ सय ७० जनामा कोरोना परीक्षण भएको छ । प्रवक्ता देवकोटाका अनुसार पछिल्लो २४ घण्टामा ९ सय ९१ नमुना परीक्षण भएका छन् ।
संक्रमित सबैजनालाई वीरगंज स्थित नारायणी अस्पतालमा ल्याउने तयारी भईरहेको अस्पताल स्रोतले जनाएको छ । हाल नारायणी अस्पतालमा हाल १०० बेडको आईसोलेसन वार्ड तयारी अवस्थामा राखिएको छ । नारायणी अस्पतालमा हाल ११ जनाको आईसोलेसन वार्डमा उपचार भईरहेको र आजै अस्पतालमा १७ जनालाई ल्याउने तयारी भएको अस्पतालका एक चिकित्सकले बताए ।
प्रतिक्रिया दिनुहोस