एमालेका उमेदवार एकवाल मिया जीत्ने निश्चित भएको छ । मंगलबार बाराको जीतपुरमा नेकपा एमालेको समर्थनमा उर्लिएको जनसागरले बारा क्षेत्र नम्बर ४ मा नेकपा एमालेका प्रतिनिधी सभा उमेदवार एकवाल मियाँको जीत निश्चित भएको स्थानियहरुको भनाई छ ।
जीतपुरका स्थानीयहरुले प्रतिनिधी सभाका उमेदवार मियाँ संगै नेकपा एमालेबाट प्रदेश सभाका उमेदवार देवनारयण चौधरीको पनि जित निश्चित रहेको बताएका छन् । प्रदेश सभाका उमेदवार चौधरी जीतपुरका स्थानिय भएकै कारणपनि जीतपुरमा उहाँका समर्थकहरु धेरै भएको मतदाताहरुको बुझाई छ ।
जीतपुरको बजार अगाडी रहेको एमाले चोकबाट शुरु भएको घरदैलोमा करिब ५ सय भन्दा बढि स्थानिय बासिको सहभागीता रहेको एमालेका नेता मनोज पौडेलले जनकारी दिनुभयो ।
उहाँले घरदैलो कार्यक्रममा एमालेका कार्यकर्ता र समर्थकहरुले रामटोल हुदै, बकुलिया रोड, सिद्धरीटोल, शान्तिटोल, नसिमनगर, तरकारी बजार, पाडा बजार लगाएतका स्थानमा उमेदवारद्धय एकवाल मिया र देवनारायण चौधरी पुगेको जानकारी दिनुभयो ।
कार्यक्रममा नेकपा एमालेका पोलिट ब्युरो सदस्य पुरुषोतम पौडेल, एमालेका केन्द्रिय सदस्य सरस्वतीदेवी चौधरी, नेकपा एमालेका नेता सुन्दर विक, मनोज पौडेल, सिता गुरुङ्ग लगाएतको उपस्थिती रहेको थियो ।
प्रतिक्रिया दिनुहोस