अखिलेश कुमार यादव २०८० श्रावण ८, सोमबार (९ महिना अघि)
११४ पाठक संख्या बारा :आफ्नै निजी जग्गाको ढुंगा, माटो तथा वालुवा उतखन्न गरी बेचबिखन गर्न जीतपुरसिमरा उपमहानगरपालिका संग अनुमति लिनु पर्ने भएको छ ।जीतपुरसिमरा उपमहानगरपालिकाले साउन ४ गते निकालेको सूचनामा आफ्नै निजी जग्गाको ढुंगा, माटो तथा वालुवा उतखन्न गरी बेचबिखन गर्नुपरे उपमहानगरलाई सुचना दिई प्राविधिक जाँचपास गराई राजस्व बुझाउनुपर्ने सूचनामा उल्लेख गरिएको छ ।
जीतपुरसिमरा उपमहानगरपालिकाको आर्थिक ऐन २०८० को अनुसूची १४ मा तोकिएको उक्त परिणाम बराबरको राजस्व उपमहानगरपालिकामा बुझाएर अनुमति लिएर मात्र बिक्रि बितरण गर्न जीतपुरसिमरा बासि संग अनुरोध गरेको छ ।उपमहानगर संग बिना अनुमति लिएर निजी जग्गाको ढुंगा, माटो तथा वालुवा उतखन्न गरी बेचबिखन गरेको भेटिएमा नियमानुसार जरिवाना हुने उपमहानगरले जनाएको छ ।
अब जीतपुरसिमरा उपमहानगरपालिकाको जनताले आफ्नै निजि जग्गाको ढुंगामाटो बेचबिखन गर्न अनुमति लिने निर्णयको सर्वत्र आलोचना भईरहेको समेत पाईएको छ ।जीतपुरसिमरा उपमहानगरपालिकाले यो भन्दा पहिला पनि उपमहानगर भित्र गुड्ने गाडीहरुमा छुटै कर लगाएको थियो जसको बिरोध पनि केहि स्थानीयले गरेको थियो ।
प्रतिक्रिया दिनुहोस